उदाय ल्याय्म्ह पुचः नीस्वन

येँ- उदाय समाज अन्तर्गत उदाय समाज युवा पुचः गठन याःगु दु । वंगु मंगलवाः जूगु छगू मुँज्यां उदाय समाजया ल्याय्म्ह पुचः गठन याःगु खः ।

मुँज्यां प्रशन्नरत्न तुलाधरया अध्यक्षताय् गठन याःगु उदाय समाज युवा पुचलय् सुजनमान तुलाधर न्वकु, सुविनरत्न तुलाधर
छ्याञ्जे, उमितसिद्धि तुलाधर दांभरिं, सुविन स्थापित लिउछ्याञ्जे व स्वस्तिहिरा सिख्राकारयात लिउ दांभरिं पदय् ल्यःगु दु ।

पुचःया दुजलय् धाःसा उदाय समाज अन्तर्गतया गुंगू कवःया झिगू खलः, पुचःपाखें प्रतिनिधिकथं छ्वया हःपिंत दुथ्याकूगु दु ।

थ्व हे झ्वलय् उदाय समाज अन्तर्गतया छगू कवः तबः (ताम्राकार) समाजया ल्याय्म्ह पुचःया न्हूधाः जूगु दु । न्हूगु ज्यासना पुचलय् नायः कनकमुनि ताम्राकार, न्वकु सचिता ताम्राकार, मूछ्याञ्जे एलिना ताम्राकार, छ्याञ्जे विकेश ताम्राकार व दांभरिंलय् सुयोगमान ताम्राकारयात ल्यःगु दुसा दुजलय् आयुषरत्न ताम्राकार, निर्भिक ताम्राकार, संयुक्ता ताम्राकार, एल्भिस ताम्राकार, समता ताम्राकार, सजिना ताम्राकार, निजलवीर सिंह ताम्राकार, सौरभ ताम्राकार, विशाखा ताम्राकार व एलिसरत्न ताम्राकारयात ल्यःगु दु ।