महाबौद्ध बचतया १९ क्वःगु साधारण सभा सम्पन्न

येँ – महाबौद्ध बचत तथा ऋण सहकारी संस्था लि.या १९ क्वःगु साधारण सभा शनिवाः छगू ज्याझ्वःया दथुइ क्वचाल । मूपाहां सहरी विकास राज्यमन्त्री रामवीर मानन्धर व विशेष पाहां येँ महानगरपालिकाया मेयर विद्यासुन्दर शाक्यं मंकाः कथं उलेज्या यानाः न्ह्याःगु उगु ज्याझ्वलय् संस्थाया न्याम्ह जेष्ठ शेयरधनी व मेपिं झिंछम्ह शेयरधनीपिंत सम्मान याःगु खः ।

ज्याझ्वलय् जेष्ठ शेयरधनीपिं रत्नमाया महर्जन ८३ दँ, यज्ञमानपति वज्राचार्य ७९ दँ, निलरत्न स्थापित ७८ दँ, चौथि महर्जन ७६ दँ व महामुनि सिख्राकार ७५ दँयात सम्मान याःगु खः । अथेहे येँय् क्वचाःगु झिंस्वक्वःगु दक्षिण एशियाली कासाय् स्वर्ण त्याकेत ताःलाःपिं कासामित करातेया सुनिता महर्जन व बक्सिङया सनिल शाहीया लिसें शाहीया प्रशिक्षक प्रविण तुलाधरपिंत नगद नापं विशेष सम्मान याःगु खः ।

ज्याझ्वलय् संस्थाया प्रगति विवरण व भावी नीति अध्यक्ष प्रमिल स्थापितं व आर्थिक प्रतिवेदन लेखा समितिया संयोजक रीना मास्कें न्ह्यब्वयादीगु खः । ज्याझ्वः संस्था अध्यक्ष प्रमिल स्थापितया सभापतित्वय् न्ह्याःगु खःसा लसकुस संस्था सचिव रोशन शाक्य यानादीगु खः । ज्याझ्वः लिपा नेवाः भ्वय् नं नकूगु खः ।

सम्बन्धित बुखँ

LEAVE YOUR COMMENTS