थौं तिंख्यलय् व कन्हय् असनय् द्यः ल्वाकीगु

येँ- पाहांचः¥हे जात्राया झ्वलय् थौं बहनी १० बजे तिंख्यलय् द्यः ल्वाकीगु जूगु दु । द्यः ल्वाकीगु जात्राय् सहभागी जुइमाःगु लुँमधि भद्रकाली तेबहाः, वटु भद्रकाली वटु व कंग अजिमा यट्खा यानाः स्वखःया गुथियारपिनि सहलह कथं थौं बहनी १० बजे तिंख्यलय् द्यः ल्वाकेगु निर्णय जूगु खः । थौं न्हिनय् तिंख्यलय् सल ब्वाकेगु घोडेजात्रा नं जुइ ।

उकथं हे चैत्र १९ गते शनिवाः असनय् द्यः ल्वाकेगु जात्रा जुइ । वकुन्हु न्हिनय् २ बजे असनय् द्यः ल्वाकीगु खँ नं धाःगु दु । द्यः ल्वाकीगु जात्राय् वटु भद्रकाली, तेबहाःया भद्रकाली व कंग अजिमाया द्यःखः सहभागी जुइ ।

थ्वहे झ्वलय् तेबहाःया श्री लुँमधि भद्रकाली जात्रा व्यवस्थापन समितिं थौं सुथय् मस्तय्त मरःजा नकेगु खँ धाःगु दु । म्हिगः जात्राय् वःपिं सकसितं संकटा क्लबं समय्बजि नकूगु खः ।