किपुलिइ वृहत महिला कानूनी सचेतन ज्याझ्वः

किपू – किपू नगरपालिकां मिसातय् निंतिं कानूनी सचेतना ज्याझ्वः याःगु दु । नगरापालिकाया ग्वसालय् वृहत महिला कानूनी सचेतन ज्याझ्वः जूगु खः ।

ज्याझ्वःया उलेज्या मूपाहां नेकपा (एमाले)या केन्द्रीय दुजः विणा श्रेष्ठ व किपू नगरपालिकाया प्रमुख रमेश महर्जनं त्वाःदेवाय् मत त्याकाः यानादीगु खः ।

ज्याझ्वःया उलेज्या यासें नगर प्रमुख महर्जनं मिसातय्गु हकहितया निंतिं दक्वं राजनीतिक दलया नीति छगू हे जुइमाःगु खँय् बः बियादिल । सकलें मिसातय्गु समस्या छगू हे जुइगुलिं पार्टीतय्सं नं थःपिनिगु नीति दयेकेबलय् छगू हे कथंया जुइमाः धयादिल ।

लिसें वय्कलं नेतृत्व कायेगु सन्दर्भय् नं मिसातय्सं जिम्ह मखसे सक्षम, सबल व सशक्त मिसा नेतृत्व यायेमाः धयादिल ।

ज्याझ्वलय् नेकपा माओवादी केन्द्रया सांसद रेणु चन्द, एमालेया सांसद विन्दा पाण्डे, मिसा मानवअधिकार रक्षक संजाया अध्यक्ष डा. रेणु अधिकारी लगायतं मिसातय्गु अवस्था, इमिसं फयेमाःगु व फयाच्वंगु अवस्था व समस्या, राज्यया नीति बारे नुगःखँ तयादीगु खः ।