लोपोन्मुख जातियात सामाजिक सुरक्षाभत्ता

येँ – सरकारं लोपोन्मुख जातिया धलखय् लानाच्वंगु थीथी जातियात सामाजिक सुरक्षाभत्ता बीगु जूगु दु । सरकारं लापोन्मुख जातिया धलखय् लानाच्वंगु कुसुन्डा, राउटे, मेचे, बनकरिया, हायु, सुरेल, लोप्चा, कुसवाडिया, राजी लगायत थीथी झिगू जातियात सामाजिक सुरक्षाभत्ता बीगु व्यवस्था यायेत्यंगु खः ।

सरकारं संघीय संसदय् दर्ता याःगु सामाजिक सुरक्षा भत्ता सम्बन्धय् व्यवस्था यायेत दयेकूगु विधेयक–२०७५ कथं लोपोन्मुख जातियात सामाजिक सुरक्षा भत्ताया व्यवस्था यायेत्यंगु खः ।

नेपाःया कुल जनसंख्याया ० दशमलव ५ प्रतिशत स्वयां म्हो जनसंख्या दुगु जातियात अल्पसंख्यक जातिया धलखय् दुथ्याकातःगु दु । राष्ट्रिय जनगणना २०६८या तथ्यांककथं कुसुन्डा जातिया ल्याः २७३ दुसा राउटेया ल्याः ६१८ जक दु । अथे हे हायु खुद्वःया हाराहारिइ दुसा बनकरिया भाय् नवाइपिनिगु ल्याः ६९ जक दु ।

सम्बन्धित बुखँ

LEAVE YOUR COMMENTS