देय् दबू बागमति प्रदेश समिति विस्तार
येँ – नेवाः देय् दबू बागमति प्रदेश समिति विस्तार याःगु दु । प्रदेश समितिया न्वकु भगवान शाक्यया सभापतित्वय् न्ह्याःगु विस्तारित मुँज्याय् देय् दबूया केन्द्रीय नायः नरेश ताम्राकार मूपाहांकथं झायादीगु खः ।
विस्तारित देय् दबूया बागमति प्रदेश समितिइ श्रीकृष्ण महर्जन छ्याञ्जेकथं च्वनादीगु दुसा दुजलय् राजाराम तण्डुकार, शैलेश शाक्य लगंबरे, माधव स्यस्यः, प्रा. डा. अनिता प्रधान शाक्य, देवराज डंगोलयात दुथ्याकूगु दु ।
देय् दबूया मूज्याकुथिइ जूगु ज्याझ्वलय् बागमति प्रदेश समितिया न्हू दुजःपिंत लसकुसनापं सहलह मुँज्या नं जूगु खः। सहलह मुँज्याय् न्ह्यःने वयाच्वंगु झिंनिक्वःगु नेवाः एकता दिवस, नेपालगंजय् जुइगु देय् दबूया विधान अधिवेशन नापं नेवाःतय् थीथी मुद्दायात विषययात कयाः नं व्यापक सहलह जूगु खः ।
थ्व स्वयां न्ह्यः बागमति प्रदेश समितिइ उमेश स्थापित नायः व भगवान शाक्य न्वकु जुयाच्वनादीगु खःसा प्रदेश समितियात विस्तार यानाः अmभ तीव्रता बिया यंकेगु खँय् नं सहलह जूगु खः । उगु इलय् देय् दबूया छ्याञ्जे सत्यनारायण डंगोलया नं उपस्थिति दुुगु खः ।
LEAVE YOUR COMMENTS