बाजं खलःपाखें गुरु हना

येँ(नेपालभाषा टाइम्स)- श्री केशचन्द्र गुंला बाजं खलःपाखें बाजं गुरु दीपकमान शाक्ययात हनेज्या याःगु दु । वंगु गुरुपुन्हिकुन्हु छगू ज्याझ्वः यासें धाःबाजं गुरु शाक्यया हनेज्या याःगु खः ।

बाजं खलःया कजि सुजितमान शाक्यया सभापतित्वय् जूगु गुरु हनेज्याय् इतुंबहाःया मू थाय्पा मणिरत्न शाक्य, बाजं खलःया संरक्षकपिं नीलकाजी शाक्य, गिन्दीमान शाक्य पाहांकथं उपस्थिति जुयादीगु खः ।

खलःया छ्याञ्जे उमेशमान शाक्यं लसकुस यासें न्ह्याःगु ज्याझ्वलय् बाजं गुरु शाक्यं नुगःखँ तयादीगु खः। ज्याझ्वलय् धाःबाजं सयेकादीपिं प्रशिक्षार्थीतय्सं बाजं गुरु शाक्ययात भगवान बुद्धया प्रतिमा नं लःल्हाःगु खः ।

नेपालभाषा टाइम्स

च्वमिया मेमेगु

• पहिचानवादी आन्दोलनय् गोलीप्रहार
• विश्वया न्हयाथाय् च्वंसां नेवाःतय्सं थःगु संस्कृतियात म्वाका वयाच्वंगु दु– प्रम दाहाल
• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर