भारतया लोकसभा व राज्यसभां कृषि कानून लित कायेगु विधेयक पारित

एजेन्सी- भारतया राज्यसभा व लोकसभां विवादित स्वंगुलिं कृषि कानून लित कायेगु विधेयक पारित याःगु दु । निगुलिं सदनय् विपक्षीया हंगामाया दथुइ ध्वनि मतं विधेयक पारित याःगु खः ।

कांग्रेसलिसें मेमेगु विपक्ष दलतय्सं कानून पारितया विषययात कयाः संसदय् चर्चा जुइमाःगु धाःसां थ्व विषययात कयाः छुं नं चर्चा मयासें कानून लित कायेगु विधेयक ध्वनि मतं पारित याःगु खः । निगुलिं सदनय् विपक्षीया हंगामाया दथुइ विधेयक पारित याःगु खः ।

कांग्रेसया महासचिव रणदीप सुरजेवालां अलोकतान्त्रिक तरिकां विधेयक हःगु व आः नं अथे हे अलोकतान्त्रिक तरिकां लित कायेगु विधेयक पारित यात धाःगु दु ।

प्रधानमन्त्री नरेन्द्र मोदीं वंगु मंसिरया ३ गते कृषि कानून लित कायेगु घोषणा याःगु खः । वंगु दछि न्ह्यवंनिसें थ्व कानूनया विरोधय् किसानतय्सं आन्दोलन यानाच्वंगु खः ।