चीनं थप १६ लाख डोज खोप वल

येँ – चीनं नेपाःयात थप झिंखुगू लाख डोज कोभिड विरुद्धया खोप लःल्हाःगु दु । म्हिगः चिनियाँ राजदूत होउ यान्छीं स्वास्थ्य तथा जनसंख्या मन्त्रालय वनाः मन्त्री विरोध खतिवडायात थुगु खोप लःल्हाःगु खः ।
मन्त्री खतिवडां थप खोप ग्वाहालि बिउगुलिं सुभाय् प्वंकादिसें थुगु ग्वाहालिं चालू आर्थिक दँ दुने हे सकलें नेपाःमिपिंत खोप बीगु योजनाय् ग्वाहालि जुइगु खँ धयादिल ।
चीनं आःतक नेपाःयात ३४ लाख डोज खोप ग्वाहालि बीधुंकूगु दुसा कन्हय् हाकनं नेपाली सेनायात ३ लाख डोज खोप बीत्यंगु दु । अथेहे नेपालं चीनपाखें १ करोड डोज खोप न्याना हयेधुंकूगु दु ।