फोनिज उपत्यका प्रदेशया न्हापांगु अधिवेशन

यल (नेपालभाषा टाइम्स) – नेपाल आदिवासी जनजाति पत्रकार महासंघ (फोनिज) उपत्यका समन्वय प्रदेश समितिया न्हापांगु अधिवेशन व ‘संस्कृति व पर्यटन’ विषयय् बृहत् गोष्ठीलिसें अन्तक्रिया ज्याझ्वः शनिवाः यलया ताम्रकार समाजया भवनय् क्वचाल । ज्याझ्वःया न्हापांगु सत्रय् ‘संस्कृति व पर्यटन’ विषयय् गोष्ठीलिसें अन्तक्रिया जूगु खः । फोनिज उपत्यका समन्वय प्रदेश समितिया नायः प्रशान्त मालीयाअध्यक्षताय् जूगु ज्याझ्वलय् गोदावरी नगरपालिकाया प्रमुख गजेन्द्र महर्जन मूपाहांकथं झायादीगु खः ।

ज्याझ्वलय् संबोधन यासें मूपाहां महर्जनं नेपाःया बहुभाषिक, बहुसांस्कृतिक व बहुजातीय म्हसीकायात पर्यटनलिसेस् वानाः आर्थिक समृद्धिया आधार दयेके माःगु खँय् बः बियादिल । वय्कलं आदिवासी जनजातिया मौ लिक संस् कृति, परम्परा, भाषा, कला व जीवनशै लीयात पर्यटन प्रवद्र्धनया महत्वपूर्ण आधारया रूपय् विकास यायेमाःगु खँ धयादिल ।

सांस्कृतिक सम्पदा संरक्षण, प्रवद्र्धनलिसें पुस्तान्तरणया निंतिं राज्य, स्थानीय तह व सरोकारवाला निकाय दथुइ प्रभावकारी सहकार्य जुइमाःगु ज्याझ्वलय् नवानादीपिं वक्तातय्सं धाःगु दु । ज्याझ्वलय् आदिवासी जनजाति समुदायया प्रतिनिधि, पत्रकार , संस्कृति तथा पर्यटन क्षेत्रलिसे आबद्ध व्यक्तित्वपिंसं नुगःखँ तयादीगु खः ।

ज्याझ्वःया निगूगु सत्रअन्तर्गत फो निज उपत्यका प्रदेश समितिया न्हापांगु अधिवे शनं प्रशान्त मालीया अध्यक्षताय् १९ म्ह दुजः दुगु न्हूगु ज्यासना पुचः सर्वसम्मतं ल्यःगु दु । फोनिजया संघीय महासचिव समिर बलामी मूपाहांकथं ब्वति कयादीगु अधिवेशनय् आदिवासी जनजाति समुदायया भाय्, कला, संस्कृति, परम्परा लिसे पहिचानया संरक्षण व प्रवद्र्धनय् सञ्चार क्षेत्रया भूमिका बारे सहलह जूगु खः ।

महासचिव बलामीं पत्रकारितापाखे आदिवासी जनजाति समुदायया मुद्दा, अधिकार व सरोकारयात प्रभावकारी रूपय् ल्ह्वने माः धासें संगठनयात अझ सक्रिय व सशक्त दयेकेत इनाप यानादिल ।

अधिवेशनं उपाध्यक्षय् राजु राजदेव वज्राचार्य, महिला उपाध्यक्षय् रमिता छुजु, महासचिवय् प्रवीण किराँती, सचिवय् राजे श वज्राचार्य, मिसा सचिवय् सरिना वज्राचार्य व कोषाध्यक्षय् चाँदनी मोक्तान ल्यःगु दु ।

उकथं हे दुजलय् विकास माली, सपना थामी, हर्कबहादुर श्रेष्ठ, दिलिप शाही, ईश्वर महर्जन, नरेश महर्जन, बी.के. जल्मी, तुलसी प्रजापति, भूपेन्द्र शाक्य, सुबिन शाक्य, बासु शाही व नन्दराम महर्जनयात ल्यःगु दु ।

नेपालभाषा टाइम्स

च्वमिया मेमेगु

• येँ महानगरं ‘स्वनिगः विश्वविद्यालय’ चायेकीगु
• अभौतिक सांस्कृतिक सम्पदा विधेयक टेबुल
• थनिंनिसे मच्छेनारायण मेला क्वचाइगु
• येँ महानगरपालिकां ‘त्वाः त्वालय् संकिपा महोत्सव’ संचालन याइगु
• नेवाःतय् निगू संस्कृति अभौतिक सम्पदा धलखय्