यँयाःया लसताय् हनुमानध्वाखाय् किपा ब्वज्या
येँ – नेवाः पत्रकार राष्ट्रिय दबू, येँ कचाया ग्वसालय् वंगु शुक्रवाः थनया हनुमानध्वाखा लायकुलिइ किपा ब्वज्या जुल । यँयाः पुन्हिया लसताय् जूगु छन्हुया उगु किपा ब्वज्याया उलेज्या येँ महानगरपालिकाया प्रमुख विद्यासुन्दर शाक्यं यानादीगु खः । थीथी संचारमाध्यमया फोटो पत्रकारलिसें फोटोग्राफरतय्सं थीथी इलय् कयातःगु यँयाः सम्बन्धी निसः पाः स्वयां अप्वः किपा ब्वज्या याःगु खः ।
किपा ब्वज्याय् यँयाःया प्रमुख आकर्षत श्री कुमारि, श्री गणेश, श्री भैरव नापं लाखे, पुलुकिसि, दागिं, बौमत, सवःभकु, दी प्याखं, महाकाली प्याखं ग्वराः, यमाःद्यः आदि किपा तयातःगु खः ।
ब्वज्याय् दुथ्याःगु दक्वं किपात दुथ्याकाः सपूmया रुप बीगु व उकियात येँ महानगरपालिकाय् लःल्हायेगु किपा ब्वज्याया ग्वसा खलः दबूया येँ कचां जानकारी बिउगु दु । किपा ब्वज्या उलेज्याझ्वलय् येँ मनपाया उपप्रमुख हरिप्रभा खड्गी श्रेष्ठलिसें येँ मनपां थुगुसी यँयाःया निंतिं ब्वनातःपिं थीथी देय्या नगर प्रमुख व प्रतिनिधिपिनिगु नं सहभागिता दुगु खः ।
LEAVE YOUR COMMENTS