लाइसेन्सया लागिं आवेदन चायेकेगु तयारी

येँ – यातायात व्यवस्था विभागं खुला लिपा न्हूगु लाइसेन्सया लागिं आवेदन चायेकेगु तयारी याःगु दु । वंगु वैशाख १६ गते निसें सवारी लाइसेन्सया आवेदन बन्द यानातःगु खः । विभागया कथं आवेदन प्रणाली चायेकेत प्राविधिक तयारी शुरु जुइधुंकूगु दु ।

निवाः लिपा आवेदन कायेगु ज्या जुइ । कोरोना संक्रमणं यानाः लाइसेन्स बीगु ज्या दिनाच्वंगु खः । थ्व स्वयां न्ह्यः आवेदन बीधुंकूपिनिगु लिखित व प्रयागात्मक परीक्षा कायेधुंकूगु दु । विभागया कथं न्हापा आवेदन बिउपिं न्यागू लाख मनूत परीक्षाया ई पियाच्वंगु दु ।