किपू नगरपालिका नं प्रविधिमैत्री

किपू (नेपालभाषा टाइम्स) – किपू नगरपालिकां भ्वंया प्रयोगयात न्यूनीकरण याइगु जूगु दु। नगरपालिकां भ्वंया प्रयोगयात न्यूनीकरण यानाः विद्युतीय हस्ताक्षर छ्यलाबुलाय् हयेगु तयारी याःगु दु । किनपां सूचना प्रविधिया प्रयोग यानाः विद्युतीय सुशासन व सेवाग्राहीयात प्रविधिमैत्री सेवा बीयंगु खः । थ्व ल्याखं नगरपालिकां आवंलि छेँय् च्वनाः हे सेवा काये फइगु ल्याखं विद्युतीय हस्ताक्षर (डिजिटल सिग्नेचर) प्रयोगय् हयेत्यंगु खः ।

थ्व सम्बन्धी जानकारी बीगु ल्याखं छुं दिं छगू ज्याझ्वः याःगु खःसा ज्याझ्वलय् किपू नगरपालिकाया प्रमुख, उपप्रमुख, कार्यपालिकाय दुजःपिं, दक्वं शाखाया प्रमुख व वडा सचिवपिनिगु सहभागिता दुगु खः । निगू चरणय् न्ह्याःगु ज्याझ्वःया न्हापांगु चरणय् विद्युतीय सेवा गुकथं कालबिल यायेगु धइगु बारे जानकारी बिउगु खः । थ्व ल्याखं टोकन धइगु छु खः ?, टोकनपाखें गुकथं प्रमाणपत्र व मेमेगु आवश्यक डकुमेनट व वेबप्रणालीइ विद्युतीय हस्ताक्षरया प्रयोग याये फइ धइगु बारे प्रयोगात्मक जानकारी बिउगु खः ।

अथे हे निगूगु चरणय् नक्सा पासया प्रक्रियाय् विद्युतीय हस्ताक्षरया प्रयोग बारे जानकारी बियाः थ्वपाखें जुइगु सेवा प्रवाहया फाइदा, बेफाइदाया बारे सहलह ब्याकेगुयालिसें आवश्यक जानकारी नं बिउगु दु। निगुलिं चरणय् विद्युतीय हस्ताक्षरया प्रयोग सम्बन्धी जानकारी नेपाल सर्टिफाइड कम्पनीं बिउगु खः ।

किपू नगरपालिका नगरप्रमुख रमेश महर्जन, उपप्रमुख सरस्वती खड्का, प्रमुख प्रशासकीय अधिकृतलिसें दक्वं वडाया वडाअध्यक्ष, शाखा प्रमुख, वडासचिवपिनिगु हस्ताक्षर टोकन कायेगु ज्या कम्पनीं यायेधुंकूगु दु ।  ज्याझ्वलय् नगरप्रमुख महर्जनं विद्युतीय नक्सा पास प्रक्रियाय्वि द्युतीय हस्ताक्षरया प्रयोगं भ्वंरहितया अवधारणा साकार यायेत ग्वाहालि जुइगु नापं सेवा प्रवाहय् नं सहजता वइ धासें थ्व प्रविधियात दक्वं शाखा, उपशाखाय् विस्तार याना यंकेगु जुइ धयादिल ।

सम्बन्धित बुखँ

LEAVE YOUR COMMENTS