तत्कालिन व दीर्घकालिन योजना दयेकाः ज्या यायेगु जुइ

छिगु एजेन्डा छु छु खः ?
जिं निगू कथंया एजेन्डा न्ह्यःने हयागु दु । तत्कालीन व दीर्घकालीन योजना । सूचना प्रविधिया विकास, लः धः, मत, फोहर व्यवस्थापन, सीसी क्यामरा जडान यानाः सुरक्षा व्यवस्था कायम यायेगु आदियात तत्कालीन योजना व वडाया सांस्कृतिक पर्यटन प्रवद्र्धन, साना तथा घरेलु व्यवसाय, स्वास्थ्य भवनयात चिधंगु अस्पतालय् रुपान्तरण, गुणस्तरीय शिक्षायात दीर्घकालीन योजनाया रुपय् न्ह्यःने हयागु दु ।

छिगु वडाय् दुगु मुख्य समस्या छु खः ?
मुख्य समस्या ला लः व धःया हे खः। नापं पूर्वाधार विकास, घरेलु व्यवसायया प्रवद्र्धन, भुखाचं क्षति जूगु संरचनाया पुनःनिर्माण व सम्पदाया संरक्षण खः ।

छि निर्वाचित जुयादी धइगु आधार छु ?
जि छम्ह सामाजिक नापं सांस्कृतिक ख्यलय् ताःई न्ह्यःनिसें लगे जुयाच्वनाम्ह । थ्व ख्यलय् जिं आपालं योगदान बीधुंगु दु । आः छक्वः वडाया नेतृत्व यानाः वडावासीया सेवा यायेगु इच्छा दु । वडावासीं नं थ्व हे स्वयाच्वंगु खः । वडावासीं आः छक्वः जिगु नेतृत्वया पुचःयात सेवा यायेगु मौका बी धइगु विश्वास दु ।

छि त्याना वल धाःसा न्हापां छु यानादी ?
वडा ज्याकूयात व्यवस्थित रुपं संचालनया निंतिं पहल यायेगु जुइ । सेवाग्राहीयात छुं नं कथंया समस्या मवयेक सुलभ, सहज सेवा उपलब्ध याकेगु जुइ । नापं वडाया आवश्यकता सम्बन्धय् वडावासीनाप सहलह यानाः प्राथमिकताया लिधंसाय् योजना न्ह्यःने यंकेगु जुइ । मूर्त अमूर्त सांस्कृतिक सम्पदा, जात्रा, पर्वया उचित संरक्षणया निंतिं योजना दयेकाः वने ।

भाषा, कला, संस्कृतिया उत्थानया निंतिं छु यानादी ?
भाषाया सम्बन्धय् आः गुुगु ८ गू तगिं तक ब्वंकेगु व्यवस्था जुयाच्वंगु दु, उकियात विस्तृत यानाः १० गू तक थ्यंकेगु व अनंलिा प्लस टु तक ब्वंकेगु व्यवस्था यायेत पहल याये । कला, संस्कृतिया सम्बन्धय् जि थः हे थ्व ख्यलय् सक्रिय जुयाच्वनागुलिं थुकिया निंतिं नं प्राथमिकता बियाः न्ह्याः वनेगु जुइ ।