कुचु कुचु मिंया म्युजिक भिडियो

येँ – नेपालभाषाया न्हूगु म्येँ ‘कुचु कुचु मिं’या म्युजिक भिडियो पिहां वःगु दु । रसर· मिडियाया प्रस्तुति म्येँया म्युजिक भिडियो छुं दिं न्ह्यः सार्वजनिक याःगु खः ।

पप, आधुनिक, मतिना, डान्सिङ आदि थीथी विधाय् न्यागू दर्जन मल्याक म्येँय् सः बियादीधुंकूम्ह डा. रानी शाक्यया सलय् दुथ्यानाच्वंगु म्येँ शैलेन्द्र श्रेष्ठं च्वयादीगु खःसा भूपेन्द्र वज्राचार्यं संगीत संयोजन व लसय् हनादीगु खः ।

नेवाः फिल्म सोसाइटीया अध्यक्ष विराजकाजी राजोपाध्याय, नांजाःम्ह कोरियोग्राफर राजन शाही, म्येँ च्वमि श्रेष्ठ, आपालं म्युजिक भिडियोय् अभिनय यानादीम्ह कलाकार रुपेन्द्र श्रेष्ठ ‘थक्वाःमि’ व मोडल विनु शाक्यया उपस्थितिइ म्युजिक भिडियो सार्वजनिक याःगु खः।

म्युजिक भिडियोय् रुपेन्द्र श्रेष्ठ व विनु शाक्यया अभिनय दुथ्यानाच्वंगु दु । प्रहिल कार्कीया निर्देशन, आवेश वज्राचार्यया छाँयाकन व माधव बेल्वासें सम्पादन यानादीगु खःसा रश्मी क्लारां कोरियोग्राफी यानादीगु खः ।

नेपालभाषा टाइम्स

च्वमिया मेमेगु

• भ्वँतय् न्हापांखुसी नेपालभाषा साहित्य तःमुँज्या
• न्हूदँया लसताय् येँ–चौतारा मोटरसाइकल र्‍याली
• संस्कृतिविद् गणेशराम लाछिया ७५ क्वःगु बुन्हि हन
• लुँया भावय् न्हूगु कीर्तिमान
• नेपालय् न्ह्यानाच्वंगु जुजुवादी आन्दोलन, भारतीय हिन्दूत्वया लिच्वः