नेपालभाषा मिसा साहित्यकार विषयय् गोष्ठि
येँ(नेपालभाषा टाइम्स)÷ नेपालभाषा साहित्यय् मिसा स्रष्टातय् योगदान बिषययात कयाः छगू विचार गोष्ठि जुल । नेपाल प्रज्ञा प्रतिष्ठान मातृभाषा विभागया ग्वसालय् गुञ्जनलिसेया सहकार्ययय् उगु विचार गोष्ठि जूगु खः ।
गोष्ठिया उलेज्या यासें कुलपति गंगाप्रसाद उपे्रतीं राष्ट्रिय अन्तर्राष्ट्रिय संघसंस्थालिसे सहकार्य यानाः थुकथंया ज्याझ्वः याना वनेगु उद्देश्यकथं मिसा साहित्यकारतय् संस्था गुञ्जनलिसेया सहकार्य थुगु विचार गोष्ठि यानागु खः धयादिल । लिसें वय्कलं प्रतिष्ठानपाखें पिथनेत्यनागु नेपालभाषाया सर्वमान्य खँग्वःधुकू याकनं पिथनेगुकथं तयारी जुयाच्वंगु नं जानकारी बियादिल ।
विभागया प्रमुख लक्ष्मी मालीया सभापतित्वय् न्ह्याःगु ज्याझ्वलय् नेपालभाषाया स्रष्टा गजल च्वमि ईश्वरीमैँया श्रेष्ठं ‘नेपालभाषा साहित्य नारी स्रष्टातय् योगदान’ विषयय् ज्यापौ न्ह्यब्वयादीगु खःसा कवयित्री प्रतिसरा साय्मिं टिप्पणी यानादीगु खः ।
गुञ्जनया अध्यक्ष साहित्यकार जलेश्वरी श्रेष्ठं लसकुस यासें नेपालभाषा मिसा स्रष्टातय् योगदान व भावी योजना न्ह्यब्वयादीगु ज्याझ्वलय् प्रेमहिरा तुलाधर, बद्री बेदना, सुमा श्रेष्ठ, कृष्ण प्रजापतिपिंसं मिसा स्रष्टा व साहित्यया थीथी पक्षयात कयाः न्ह्यसः तयादीगु खः ।
LEAVE YOUR COMMENTS