कालेबुङय् नेवाः हस्तीतय्त हना

येँ – अखिल भारतीय नेवार संगठन, कालेबुङ जिल्ला अञ्चलपाखें राष्ट्रिय शिक्षा पुरस्कार कयादीम्ह एसयुएमआई स्कूलया प्राचार्य नभरत्न प्रधान व सेन्ट अगस्टिन स्कूलया शिक्षक योगवीर शाक्ययात हनेगु ज्या यात । शिक्षक शाक्ययात नेवाः खँग्वः सम्बन्धी सफू च्वयादीगुलिं सम्मान याःगु खः ।
स्थानीय रकभेल एकेडेमिया प्राचार्य कप्तान प्रकाशमणि प्रधान मूपाहां कथं झाःगु खः । नेवाः सांस्कृतिक ज्याझ्वः नं न्ह्यब्वःगु उगु ज्याझ्वलय् गुरुजी सूर्यवीर तुलाधर, पुलांम्ह सल्लाहकार राजीवशंकर श्रेष्ठ, साहित्य एकेडेमि दिल्लीया प्रेम प्रधान, सिक्किम विश्वविद्यालयया प्रा.डा. प्रतापचन्द्र प्रधानपिं नं पाहां कथं झाःगु खः ।