बाइडेन व सी जिनफिङया दथुइ टेलिफोन वार्ता

एजेन्सी- अमेरिकाया राष्ट्रपति जो बाइडेन व चीनया राष्ट्रपति सी जिनपिङया दथुइ न्हय्ला लिपा निक्वःखुुसी टेलिफोन वार्ता जूगु दु । अमेरिकाया राष्ट्रपति कार्यालय ह्वाइट हाउसं पिकाःगु वक्तव्यकथं बाइडेन व सी जिनपिङया दथुइ रणनीतिक साझेदारी व आपसी हितया विषययात कयाः खँल्हाबँल्हा जूगु दु ।

वक्तव्यय् धयातःकथं अमेरिका व चीनया दथुइ थीथी ख्यलय् जुयाच्वंगु धेंधेंबल्लाःयात जिम्मेवारीपूर्वक व व्यवस्थित रुपं न्ह्याकेगु खँय् नं खँल्हाबल्हा जूगु दु । धेंधेंबल्लाःया झ्वलय् ल्वापु मजुइमा धकाः नं निम्हेसिया दथुइ सहमति जूगु दु ।

अमेरिका व चीनया दथुइ स्वापू बांलानाच्वंगु मदु । निगुलिं देसं थीथी विषययात कयाः वं वयात वं वयात द्वपं बियाच्वंगु दु । चीनं अमेरिकायात चीनय् आक्रमण यायेत मेमेगु देशयात ल्ह्वंगु धकाः द्वपं बिउगु खःसा अमेरिकां चीनं थःपाखें ध्यान सालेत थज्याःगु द्वपं बिउगु धाःगु खः । व्यापार, कोरोना महामारी व जासुुुुुुसी याःगु धकाः निगू देय् दथुइ तनाव जुयाच्वंगु दु ।

सम्बन्धित बुखँ

LEAVE YOUR COMMENTS