बोलसोनारोया स्वंगू विकल्प- ‘जेल, मृत्यु वा आः वइगु चुनाव त्याइगु’

एजेन्सी- ब्राजिलया राष्ट्रपति जायर बोलसोनारो थःगु भविष्य बारे थम्हं स्वंगू विकल्प खनाच्वनागु धाःगु दु । बोलसोनारो धाःगु दु ‘जिं खनाच्वनागु न्हापांगु विकल्प जितः जेल जुइ, निगूगु विकल्प जितः स्यानाबिइ व स्वंगूगु विकल्प जि आः वइगु चुनावय् त्याइ ।’ बोलसोनारों थः धार्मिक नेतातय्त थथे धाःगु खः । ब्राजिलया न्यायपालिका व चुनाव आयोगया दथुइ मतभेद जुयाच्वंगु इलय् बोलसोनारोया थ्व खँ पिहां वःगु खः ।

सन् २०१८ य् चुनाव प्रचार यानाच्वंबलय् बोलसोनारोयात चक्कुं हमला याःगु खः । व इलय् बोलसोनारो बांमलाक घाःपाः जूगु खः । बोलसोनाराें आः वइगु चुनावय् त्याकाः निगूगु कार्यकाल न्ह्याकेत स्वयाच्वंगु दु ।