सिड्नीइ खुसीबाः वयाः निम्ह सित

एजेन्सी- अस्ट्रेलियाया सिड्नीइ तसक वा वयाः वःगु खुसीबाःया कारणं द्वलंद्वः मनूत थःगु छेँ त्वःताः वनेत बाध्य जूगु दु । पूर्वी अस्ट्रेलियाय् वःगु खुसिबालं सिड्नी निम्ह मनू सीगु दु । निवाःया दुने अस्ट्रेलियाया न्यू साउथ वेल्स व क्वीन्सल्याण्डय् वा वयाः वःगु खुसीबालय् लानाः आःतक २० म्ह मनू सीधुकंूगु दु ।

खुसीबाःया दकलय् अप्वः प्रभाव सिड्नीइ लाःगु दु । सिड्नीइ च्वनाच्वपिं ४० द्वः मनूतय्त सुरक्षित थासय् वनेत धाःगु दुसा मेपिं २० द्वः मनूतय्त तयारी अवस्था च्वनाच्वनेत धाःगु दु । राज्यया आपतकालीन सेवा बिइगु संस्था बिउगु जानकारीकथं २४ घौया दुने २५०० म्हं मल्याक मनूतय्सं ग्वाहालि यायेत इनाप याःगु दु ।

अस्ट्रेलियाया सेनां उद्धारया ज्या यानाच्वंगु दु । मौसम विभागया अधिकारीतय्सं बुधवाः तक तसकं वा वइगु व खुसीबाः वयेफुगु धाःगु दु ।