ओलम्पिक उद्घाटन समारोहया निर्देशक बर्खास्त

एजेन्सी- ओलम्पिक उद्घाटन समारोहया निर्देशक (शो डाइरेक्टर) केनटारो कोबायाशीयात बर्खास्त याःगु दु । ओलम्पिक उद्घाटन समारोहसिबें छन्हु न्ह्यः सन् १९९० यागु छगू विवादित भिडियो सामाजिक सञ्जालय् भाइरल जुइवं कोबायाशीयात बर्खास्त याःगु खः । भिडियोय् नाजी जर्मनीतय्गु ल्हातं सीपिं मनूतय्त बियातःगु समवेदनायात कोबायाशीं नागःतुगः यानाच्वंगु खनेदुगु खः ।

जापानया ओलम्पिक प्रमुख सेको हाशिमातों थ्व भिडियोय् इतिहासया कष्टकर तथ्ययात कयाः नागःतुगः याःगु धकाः धाःगु दु । निर्देशक (शो डाइरेक्टर) केनटारो ओलम्पिकया उद्घाटन व समापन समारोहया निर्देशक खः । बर्खास्तलिपा केनटारों माफी फ्वंगु दुसां वं थः पस्ताय् चायाः धकाः नं धाःगु दु । ओलम्पिकया औपचारिक उद्घाटन नेपाःया ई कथं शुक्रवाः सनिलया ५ः४५ य् जुइ ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन