क्यानाडाय् तांन्वयाः सछिम्हं मल्याक सित

एजेन्सी- क्यानाडाय् तसकं तापक्रम थहां वनाः वःगु क्वाःगु फय् ‘हिटवेभं’ यानाः यक्व मनूत सीगु दु । क्यानाडाया दक्षिणी प्यासिफिकया उत्तरपश्चिम क्षेत्रय् तसकं तापक्रम थहां वनाः मनूत सीगु खः । प्रहरीं बिउगु जानकारीकथं शुक्रवाः निसें आतकया दुने १३० म्ह सीधुंकूगु दु । सीपिं अप्वः धयाथें ज्येष्ठ नागरिक व थीथी ल्वय् जुयाच्वंपि खः ।
ब्रिटिस कोलम्बियाया प्रहरीं धाःकथं भ्यानकुभरय् जक ६० म्हं मल्याक मनूत सीगु खःसा ब्रनाबीइ ३४ व सरेमाय् ३८ म्ह मनू सीगु दु ।

क्यानाडाय् वंगु आइतवाः निसें तापक्रम थहां वनाच्वंगु दु । आइतवाः क्यानाडाया तापक्रम ४६.६ डिग्री, सोमवाः ४७.९ डिग्री व मंगलवाः ४९.५ डिग्री थ्यंगु खः । क्यानाडाया इतिहासय् आतक ४५ डिग्रंी च्वय् तापक्रम थ्यंगु मदुनि । इन्भाएरोमेन्ट क्यानाडां तापक्रम अझ थहां वनी तिनि धाःगु दु । इन्भाएरोमेन्ट क्यानाडां ब्रिटिश कोलम्बिया, अल्बेर्टाय् व उत्तरपश्चिमी क्षेत्रय् तापक्रम अझ थहां वनी धकाः सुचं पिकाःगु खः ।

सम्बन्धित बुखँ

LEAVE YOUR COMMENTS