संजय दत्तयात क्यान्सर

एजेन्सी – भारतीय अभिनेता संजय दत्तयात क्यान्सर ल्वचं कःगु दु । संजय दत्तयात स्वँया क्यान्सर जूगु व थ्व क्यान्सर नं स्वंगूगु चरणय् थ्यनेधुंकूगु खँ धाःगु दु ।

छुं न्हि न्ह्यव सासः ल्हायेत थाकुइवं दत्त अस्पताल भर्ना जूगु खः । अन कोरोनाया परीक्षण नेगेटिभ वयेवं थप परीक्षण लिपा छेँय् लिहां वनेधुंकूगु खः । आः क्यान्सर जूगु रिपोर्ट वयेवं थप उपचारया निंतिं अमेरिका वनीगु जूगु दु । थःत क्यान्सर ल्वचं कःगु सीवं संजय स्तब्ध जूगु खँ भारतीय मिडियां धाःगु दु । वं थः उपचार लिपा ल्वय् लनीगु आशा प्वंकूगु दु । संजय दत्तया मां नर्गिस व न्हापांम्ह कलाः ऋचा दत्ता नं क्यान्सरया कारणं हे सीगु खः । छुं ई न्ह्यव जक बलिउडया लोकंह्वाःपिं

कलाकारत ऋषि कपुर व इरफान खान नं क्यान्सरया कारणं हे सीगु खः । संजय दत्त मंगलवाः छगू ट्विट यासें थः छुं ईया निंतिं ज्यां दिपा कायेत्यनागु जानकारी बिउगु खः ।