भाजपाया भेदभावपूर्ण कानुन

भारतय् सरकारं हःगु नागरिकता संशोधन विधेयक (ऋष्तष्शभलकजष्उ ब्mभलमmभलत द्यष्िि( ऋब्द्य० –(सिएबी)यात कयाः देन्यंकं विरोध प्रदर्शन जुयाच्वंगु दु । प्रदर्शनया झ्वलय् शुक्रवाः जक उत्तर प्रदेशय् गुम्हेसिया ज्यान वंगु दुसा थ्वयां न्ह्यव आसामय् नं खुम्हेसिया ज्यान वनेधुंकूगु दु । सरकारं हःगु थ्व विधेयक भारतया निगुलिं सदनय् पारित जुयाः राष्ट्रपतिं तकं हस्ताक्षर यायेधुंकाः आः ऋष्तष्शभलकजष्उ ब्mभलमmभलत ब्अत (सिएए) कानुनया रुपय् लागु जुइधुंकूगु दु । तर थ्व विधेयकयात कयाः भारतया पूर्वोत्तर राज्य आसाम, अरुणाञ्चल, त्रिपुरा, नागाल्यान्ड जक मखु, राजधानी दिल्ली, उत्तर प्रदेश, विहार, पश्चिम बंगाल, तमिलनाडुइ प्रदर्शन झन झन तच्वया वनाच्वंगु दु ।

खः नागरिकता संशोधन विधेयक ?
सरकारं हःगु थ्व विधेयकया निगू मू उद्देश्य दु । छगू– भारतय् च्वनाच्वंपिं गैरमुस्मां आप्रवासीतय्त भारतीय नागरिकता बीगु । निगूगु– अवैध रुपं च्वनाच्वंपिं विदेशीतय्त म्हसीकाः उमित लित
छ्वयेगु । गैरमुस्मां आप्रवासीतय्त भारतीय नागरिकता बीफइगु कानुन कथं सिएए लागू जूगु दुसा अवैध विदेशीतय्त म्हसिइकेगु धकाः राष्ट्रिय नागरिकता रजिस्ट्रर (एनआरसी) लागू याःगु दु । सिएएयात कयाः देय्न्यंकं विरोध जुयाच्वंगु दुसा पूर्वोत्तर राज्यय् सिएए लिसें एनआरसीयात कयाः नं तच्वःगु विरोध जुयाच्वंगु दु ।

छु खः सिएए व एनआरसी ?
सिएए कानुन कथं बंगलादेश, पाकिस्तान, अफगानिस्तानं २०१४ डिसेम्बर ३१ स्वयां न्ह्यः भारत वःपिं हिन्दू, सिख, बौद्ध, जैन, पारसी व इसाईतय्त भारतीय नागरिकता बीसा एनआरसीया माध्यमं सन् १९४८ जुलाई १९ लिपा भारतय् दुहां वःपिं अवैध आप्रावासीतय्त म्हसिइका देशं पितिनेगु ज्या जुइ । एनआरसी भारतीय सर्वोच्च अदालतं मुख्यरुपं आसामया निंतिं लागू याःगु खः । थ्व नियम कथं वंगु अगस्टय् आसामय् च्वनाच्वंपिं भारतीय नागरिक खः कि मखु धयागु सिइकेगु निंतिं नागरिकता दर्ता यायेगु ज्या सुरु जूगु खः । थ्व दर्ताया झ्वलय् १९ लाख आसामीत नागरिकया धलखं पिने लाःवंगु खः । आः उमिसं वैध प्रमाणपत्र ज्वनाः थःपिं भारतीय नागरिक खः धयागु सावित यायेमाःगु जुइ ।

छाय् विरोध ?
भारतीय जनता पार्टीया बहुमत दुगु नरेन्द्र मोदी सरकारं हःगु थ्व विधेयकयात कयाः भारतन्यंकं तच्वःगु विरोध जुयाच्वंगु दु । भारतय् जक मखु भारत जःखःया देय्तय्सं नं थुकिया विरोध यानाच्वंगु दु । भारतया क्वय्या सदनय् थ्व विधेयक पारित जुइवं भारतन्यंकं हे थुकिया विरोधय् प्रदर्शन सुरु जूगु खः । थ्व विरोधया कारण मुख्यतः हिन्दीवादी भाजपा सरकारं धर्मया आधारय् भेदभाव याःगुलिं खः ।
सिएए कानुन कथं सरकारं बंगलादेश, अफगानिस्तान, पाकिस्तानं बिसिउँ वयाः भारत च्वनाच्वंपिं हिन्दू, सिख, जैन, बौद्ध, इसाइ, पारसीतय्त भारतया नागरिकता बीगु जूगु दु । तर थथे हे बिसिउँ वयाच्वंपिं मुस्मांतय्त धाःसा नागरिकता बीमखु । न्हापाया कानुन कथं आप्रावासीतय्सं भारतीय नागरिकता कायेगु निंतिं म्होतिं नं झिंछदँ भारतय् च्वनेधुंकूगु जुइमाः । आः थ्व कानुन कथं खुदँ भारतय् च्वंपिं गैरमुस्मांतय्सं भारतीय नागरिकता कायेखनीगु जूगु दु । मुख्यतः धर्मया आधारय् नागरिकता बीगु जूगु कारणं हे विरोध जूगु खः । मुस्मां व गैरमुस्मांतय्त धर्मया आधारय् विभेद याःगु द्वपं प्रदर्शनकारीतय्सं बियाच्वंगु दु । प्रदर्शनकारीतय्सं थ्व भारतीय संविधानया अःखः जूगु खँ धयाच्वंगु दु । थ्व संशोधन कानुन भारतीय संविधानया अनुच्छेद १४या उल्लंघन जूगु व मुस्मांतय् विरोधय् दुगु खँ उमिसं धयाच्वंगु दु । भारतीय संविधानया अनुच्छेद १४ कथं सकसितं समानताया अधिकार दइ । छुं धर्म, जातया आधारय् भेदभाव याये दइमखु । भारत धर्मनिरपेक्ष देय् खः, थन धर्मया आधारय् भेदभाव याये दइ मखु । तर हिन्दूवादी सरकारं हःगु थ्व कानुनं धर्मया आधारय् भेदभाव याःगु विपक्षीतय् द्वपं दु ।

भाजपां छाय् हल थ्व कानुन ?
भारतय् केन्द्रीय सरकार संचालन यानाच्वंगु दल भारतीय जनता पार्टी खः । अले थ्व पार्टी हिन्दूवादी संगठन खः । आः भाजपा सरकारं हःगु थ्व कानुन विशेषतः हिन्दूवादीतय् समर्थन मुंकेगु व उमिगु मतयात आकर्षित यायेगु निंतिं हे जूगु विपक्षीतय् द्वपं दु । आप्रवासी हिन्दूतय्त भारतीय नागरिकता बियाः उमिगु मत थःपिनिगु पक्षय् तयेगु कुतः भाजपां याःगु खः ।
भारतया पूर्वोत्तर राज्य आसाम, मेघालय, मणिपुर, मिजोरम, त्रिपुरा, नागाल्याण्न व अरुणाचल प्रदेश बंगलादेशया सीमा लिक्क लाःगु राज्यत खः । थन बंगलादेशं हिन्दूत लिसें मुस्मांत नं तःधंगु ल्याखं च्वं वयाच्वंगु दु । सरकारं हःगु न्हूगु कानुनं थुपिं मध्ये हिन्दूत जक स्थायी रुपं भारतय् च्वने खनीगु जुइ । आसामय् छुं ई न्ह्यव सुरु जूगु राष्ट्रिय नागरिकता रजिस्टर (एनआरसी)या धलखय् मलाःपिं हिन्दूतय्त नं सिएए कानुन अन्तर्गत लाकाः भारतीय नागरिकता बीत ग्वाहालि याइगु जुइ । तर थ्व धलखय् दुमथ्याःपिं मुस्मांत धाःसा भारतं पिहां वनेमालीगु जुइ । भाजपां भोटया राजनीति यानाः हिन्दूतय्त जक भारतय् च्वने दइकथं थ्व कानुन हःगु खँ थुकिं छर्लङ्ग जूगु दु ।

पूर्वोत्तर राज्यय् थ्व कानुनया विरोध जुयाच्वंगु मेगु छगू कारण थुकिं यानाः अनया संस्कृति, परम्परा हे खतराय् लाःवने फुगुलिं नं खः । पूर्वाेत्तर राज्य आदिवासीतय् लागा खः । तर थ्व राज्यत बंगलादेशया सीमा लिक्क लाःगु बंगलादेशं बिसिउँ वयाच्वंपिं लखौं आप्रवासीत च्वनाच्वंगु दु । यदि थुमित स्थायी रुपं थन हे बसोबास याकेगु जुल धाःसा थुकिं थनया परम्परागत संस्कृति, भाषा, जाती हे लोप जुइफुगु खँ स्थानीय आदिवासीतय्सं धयाच्वंगु दु । उकिं उमिसं मुस्मांत जक मखु हिन्दू जुइमा, मुस्मां जुइमा सकलें बंगलादेशी आप्रवासीतय्त पितिना छ्वयेमाः धयाच्वंगु दु । तर सरकारं धाःसा भोटया राजनीति यायेगु झ्वलय् लखौं बंगाली हिन्दूतय्त थन तयेगु षडयन्त्र यानाच्वंगु दु ।

एजेन्सीया ग्वाहालिं

सम्बन्धित बुखँ

LEAVE YOUR COMMENTS