नेपाः राष्ट्रिय फुटबल टिमया प्रशिक्षणया नितिं ५० म्ह कासामि ल्यल

येँ ( साफ च्याम्पियन व एसिया कप छनोटया अन्तिम चरणया कासाया निंतिं नेपाःया मुख्य प्रशिक्षक अब्दुल्लाह अलमुताइरीं बन्द प्रशिक्षणया निंतिं ५० म्ह कासामि ल्यःगु दु । अखिल नेपाल फुटबल संघं (एन्फा) बिउगु जानकारीकथं प्रशिक्षक अब्दुल्लाह अलमुताइरीं मंगलवाः न्हापांगु चरणय् ५० म्ह कासामियात प्रशिक्षणया निंति ल्यःगु खः । प्रशिक्षण असार १७ गते निसें एन्फा कम्पेलक्सय् शुरु जुइत्यंगु दु । प्रशिक्षण निगू पुचलय् सुथय् १० ता इलय् व न्हिनय् ४ ता इलय् जुइ ।

बन्द प्रशिक्षणय् रोहित चन्द, अन्जन विष्ट, अनन्त तामाङ , भरत खवास, नवयुग श्रेष्ठ थेंजाःपिं कासामित दुथ्याः । प्रशिक्षणय् शिशिर लेखि न्हापांखुसी दुथ्याःगु दुसा न्हापा टिमय् लानाच्वंम्ह अजित भण्डारी धाःसा दुमथ्यात ।

नेपाः छुं ई न्ह्यः कुवेतय् विश्वकप छनोट व एसिया कप छनोट म्हिताः लिहां वःगु खः। नेपाः पुचःया प्यंगूगु थासय् लानाः एसिया कपया स्वंगूगु चरणय् थ्यंगु दु ।

सम्बन्धित बुखँ

LEAVE YOUR COMMENTS