मोरक्कोया आत्मघाती गोलं २० दँ लिपा इरान त्यात

येँ– थुगुसीया विश्वकपय् न्हापांगु आत्मघाती गोल जुइवं इरानं २० दँ लिपा न्हापांखुसी विश्वकपया अन्तिम चरणय् कासा त्याकेत ताःलाःगु दु । मोरक्कया अजिज बोउहाड्डोउजं कासाया इन्जुरी इलय् थःगु हे पोस्टय् गोल यायेवं इरानया विजय सम्भव जूगु खः ।

कासाया ९५ औं मिनेटय् वःगु फ्रिकिकयात बचे यायेगु झ्वलय् डिफेन्डर बोउहाड्डोउजं थःगु हे पोस्टय् बल दुछ्वःगु खः । थ्व आत्मघाती गोलया कारणं न्हापांगु हाफय् बांलाःगु प्रदर्शन यानाच्वंम्ह मोरक्को निराश जुइमाःगु खः ।

विश्वकपय् इरान त्याःगु थ्व निक्वःखुसी खः । थ्वयां न्ह्यः सन् १९९८ य् छक्वः जक अमेरिका विरुद्ध २–१ गोलं त्याःगु दु ।

सम्बन्धित बुखँ

LEAVE YOUR COMMENTS