स्वयेबहपिं कासामि

मिल जेडिनक, मिडफिल्डर, अस्ट्रेलिया

एस्टन भिल्लाया मिडफिल्डर मिल जेडिनक सन्२००८ निसें अस्ट्रेलियाया निंतिं म्हिताच्वंम्ह खः । ३३ दँया जेडिनक अस्ट्रेलियम टिमया कप्तान नं खः । डिफेन्सिभ मिडफिल्डर जेडिनक अस्ट्रेलियाया लागि ७० गू स्वयां अप्वः कासा म्हिताः २० गू गोल यायेधुंकल ।

जेडिनक अस्ट्रेलियाया टिमया पेनाल्टि टेकर खः । जेडिनकया पेनाल्टिी नतिजा शतप्रतिशत दु । वं थ्वाःगु झिंखुगू पनाल्टि छगू नं सितिकं वंगु मदुनि । थ्व विश्वकपय् नं जेडिनकं पेनाल्टिं निगू गोल यायेधुंकल । थ्व विश्वकपय् जेडिनक थःम्हं तयातःगु दारीया कारणं नं चर्चाय् दु ।

पियोन सिस्टो, फरवार्ड, डेनमार्क

डेनमार्क टिमया फरवार्ड पियोन सिस्टो स्पेनीस क्लब सेल्टा भिगोया कासामि खः । सेल्टाया निंतिं सिस्टों थ्व सिजनय् जक ३६ गू कासा म्हिताः न्यागू गोल याःगु दुसा झिगू गोल यायेत ग्वाहालि याःगु दु । डेनिस नागरिक मखुसां मचांनिसें डेनमार्कय् हे ब्वलंम्ह जूगुलिं वयात डेनिस नागरिकता बिउगु खः ।

डेनिस नागरिक जुइवं हे स्टिोयात यु २१या डेनिस टिमय् सःतूगु खः । २३ दँ दुम्ह सिस्टो सन् २०१५ य् युरो छनोट कासाय् डेब्यु याःगु खः । सिस्टो डेनमार्कया निंति १६ गू कासा म्हिताः छगू जक गोल याःगु दु । वं पानामा विरुद्ध गोल याःगु खः । सिस्टो थःम्हं गोल याइम्ह स्वयां नं मेपिंत गोल यायेत ह्वःताः चूलाकाबीफुम्ह कासामि खः ।

सम्बन्धित बुखँ

LEAVE YOUR COMMENTS