वामदेवजु ! छिगु लिङ्ग छु ?

टि.भी.इ छगू ज्याझ्वः । यक्ष प्रश्न। पाहां वामदेव गौतम । पाहांयात दकलय् न्हापां अन्तर्वार्ताकारं न्ह्यसः तइ- ‘वामदेवज्यू, छिगु लि· छु ?’ अन्तर्वार्ताकारया न्ह्यसः न्यने । आश्चर्य चकित जुइ ! छु न्ह्यसः न्यंगु? उद्देश्य छु ? गनं वामदेवजुया लिङ्गय् गडबडी खने दतला? वा वामदेवजुं लिङ्ग हिल ला ? गम्भिर जुयाः वामदेवजुया लिसः न्यनेत स्वया । वामदेवजुं लिसलय् धाइ- ‘जि श्रीमति दु, निम्ह म्ह्याय् दु, छम्ह काय दु। आः छिं हे अनुमान यानादिसँ जिगु लि· छु जुइ?’ वामदेवजुं लिसलय् थःगु जैविक लि· छु संकेट यानादिल । मत्ती वल अन्तर्वार्ताकारया आशय वय्कःया जैविक लि· सीकेगु मखु। जरुर नं अन्तर्वार्ताकारया यक्ष प्रश्नय् राजनीतिइ पोलिटिक्स घुसे जुयाच्वंगु दु। व छु जुइ जिं नं अनुमान यायेत स्वया ।

थौंकन्हय् नेकपाया भीषण ल्वापुइ वामदेवं थःत तेश्रो धारया एकताया पक्षधर दावा यानाच्वंगु दु। ‘जि निगुलिं विभाजित पक्षय् मदु। जि तेश्रो धार ।शायद वय्कःया तेश्रो धारयात राजनीतिक दृष्टिं गुगु लिङ्ग धकाः न्यंगु जुइमाः । वामदेवजुयात। राजनीतिक तेश्रो लिङ्गी धाःगु ला? तर थौंकन्हय् लैङ्गिक दृष्टिं अल्पसंख्यकतय्त नागःतुगः याये मदु। इमि नं थःगु पहिचान व स्वतन्त्रता दइ धइगु मान्यता ब्वलनेधुंकल । वामदेवजुयात नं राजनीतिक दृष्टिं तेश्रो लिङ्गी धाःसां वय् कःया मर्यादाय् नकारात्मक टिप्पणी याये जीमखु। थौंकन्हय् वामदेवजुं अनेक अन्तर्वार्ताय् धाइ नेकपा छधी यायेगु ज्या जिगु जीवनपर्यन्त हे न्ह्यानाच्वनी, दीमखु। आः नेकपा निकू जुइधुंकल । चुनाव निगू पार्टी जुयाः वनी । वामदेवजुया प्रण भविष्यय् नं पार्टी एकताया कुतः जारी जुइ । निकू जूसा पर्वाह मदु। पार्टी कुचा दलाच्वनी । एकता यायेगु कुतः जिगु जारी जुयाच्वनी ।

नेकपा फुट लिपा नं तेश्रो धारया कित्ताय् च्वनाः पार्टी एकता यायेगु वामदेवया कुतः दुने राजनीतिक चलाखी खंकीपिं नं दु। एकताया नारा बियाः वामदेवं थःत तटस्थ क्यनाच्वंगु दु। आः संसद पुनःजीवित जुयाः न्हूगु समीकरणया सरकार गठन जुल धाःसा तटस्थ वामदेवयात प्रधानमन्त्री जुइत निगुलिं पक्षं नं समर्थन याइगु खः ला? घारघुरीइ लानाः वामदेव नं प्रधानमन्त्री जुइ फु धइगु अनुमान याइपिं दु। राजनीतिइ न्ह्यागु नं सम्भव दु धाइ । उकिसनं झीगु देय्या घारघुरु भारभुरु राजनीतिइ घारघुरु भारभुरु नेतातय् बोलवाला । थज्याःगु माहोलय् जूसां मजूसा वामदेवं थः भावी प्रधानमन्त्री जुइगु सम्भावना छाय् मखंकेगु? एकता खँग्वः बांलाः । भावनात्मक रुपं नं एकताया महत्व तसकं हे उच्च । फुसा संसारय् एकतावद्ध याये दःसा जिउ। तर भावनात्मक खँ ल्हानां जकं व्यवहार चले जुइ मखु। वामदेवजुया कुतलं नेकपा एक जुल । दँ दँतकया अथक कुतलं नेकपायात छगू याना । वामदेवं इलय् व्यलय् दावा याइ । अझ भविष्यय् नं नेकपा छगू छधी यायेगुलिइ हे जिगु जीवन समर्पित जुइ । वामदेवजुं धयाजुइ । तर वामदेवजु ! छिगु एकताया दर्शनं देशं छु भोगे यानाच्वन, छु भोगे याये माली तिनि उकिया नं विचाः यानादिसँ । एकताया माकुक सवाः कयाः छिगु म्ये न्यायेकां सकसियां म्हुतु चकनी मखु। वामदेवजु !

छन्हु मत सीबलय् थज्याःगु प्रजननया असामान्य लिच्वः खनेदत धाःसा थुगुसी विश्वव्यापी कोरोनां हःगु ।’लकडाउनं’ गुलि नवजात शिशुत धर्तीइ वइगु जुइ ? खतुं थौंकन्हय् परिवार नियोजनया साधनत दु। तर लालां लकडाउन जूबलय् परिवार नियोजनया साधन नं अभाव जूवनी ।

एमाले, माओवादी दलत थःथःगु सिद्धान्त, इतिहास ज्वनाः न्ह्याः वनाच्वंगु पार्टीत। शंकराचार्यया अद्धैत सिद्धान्त। थन, गन, छु उद्देश्य कयाः लागू जुल ? विश्वय् विशाल नमूना साम्यवादी पार्टी धकाः बय्बय् जुल । धाथेंया अद्धैत साम्यवादी पार्टी खःसा मोहन वैद्य, विप्लप, नारायणमान, चित्रबहादुर छाय् मन्ह्यःन? छु इपिं कम्युनिष्ट मखुला? एकता ला देय्या विकास, समृद्धिया निंतिं जुइमाः । गरिबी, असमानताया अन्त्यया निंतिं जुइमाः । तर थौं एकताया भ्रम थनाः नेकपाया सरकार गठन जुल । एकताया दशा देशं थौं गुकथं फयाच्वने माल ? गुकथं बेहाल । अस्तव्यस्त ! छर्लङ्ग जुइ । थज्याःगु हे एकताया लागि ‘जि जीवनभर समर्पित जुइ’ धया जुइम्ह वामदेवया समर्पणं देय्या भविष्य छु जुइ अनुमान याये फु। यक्ष प्रश्नय् उकिं हे वय्कःयात तेश्रो धारया राजनीतिक लि·यात कयाः प्रश्न याःगु जुइ ।

जिपिं ल्याय्म्ह इलय् सनिलय् चाःहिउ वनेगु। उखें थुखें वँवं गनं ल्वापुलिपु जुयाच्वंसा, जिपिं ध्यान बियाः स्वयाच्वनेगु, न्यना च्वनेगु। उद्देश्य । ल्वापु भाय्या अध्ययन। ल्वापु भाय्या थःथःगु विशेष शब्दत दइ, वाक्य दइ, ‘बडी ल्या·वेज दइ ।’ ‘हय् बेश्या, रण्डी, बोक्सी’ ल्वापु भाय्या ‘क, ख, ग’ खः थुपिं । न्हय्म्ह अबुं दयेकातःम्ह, ल्यवःसिं थुपिं ल्वापु भाय् या उक्तित खः । थौंकन्हय् अज्याःगु ल्वापु भाय् न्यनेत पिहां वनेम्वाः । पत्रिका, रेडियो, टि.भी, मार्फत नेतातय् ल्वापु भाय् न्यने दु। न्यने खं । थथे हे देय्या राजनीतिकइ ल्वापु भाय् तच्वया वन धाःसा सु सु नेता ल्यवःसिंया काय, सु सु नेता न्हय्म्ह अबुं दयेकातःपिं ठहर जुइगु खः । याकनं हे न्यने दइ तिनि। पोलापोल जुइ तिनि ।

वामदेवजुया मेगु अन्तर्वार्ता भूषण दाहाललिसे । थन नं वामदेवं व हे एकताया फसिक्वाःया खँ ल्हाइ । थः न उखे, न थुखे जूसां एकताया खँ ल्हाइ । निम्ह प्यम्ह नेतातय् स्वार्थसिद्धिया लागि जूगु एकतायात एकताया हल्ला यानाः देय् यात झ्वाकलय् थनेगु ज्या जुल । देय् थौं राजनीतिक रिक्ततां पीडित । वामदेवया क्वथाय् भूषण दाहालं अन्तर्वार्ता काःगु। वामदेवया क्वथाया अंगलय् जुजु महेन्द्र व विपीया तस्वीर । भूषण दाहालं अजू चायाः न्यनी । थ्व गय् ! वामदेव थन नं तेश्रो लिङ्गी खने दइ । जुजु व विपीया बचाउ याइ । धाइ कम्युनिस्टया छेँय् जुजु महेन्द्र व विपी नं कम्युनिस्ट हे जुइ ।

सम्बन्धित बुखँ

LEAVE YOUR COMMENTS