मखन क्रियाशील समूहया निक्वःगु साधारणसभा

येँ (नेपालभाषा टाइम्स) – मखन क्रियाशील समूहया निक्वःगु साधारणसभा वंगु पुस ११ गते शनिवाःकुन्हु जुल । समूहया साधारणसभा ताःई न्ह्यः हे जुइमाःगु खःसां कोरोना भाइरसया महामारीयाकारं दिनाच्वंगु खः । समूहया नायः सुरेश शिलाकारया सभापतित्वय् जूगु साधारणसभाय्छ्या ञ्जे सुजनविलास वज्राचार्यं लसकुस यासें संस्थाया प्रगति विवरण न्ह्यब्वयादीगु खः । कोरोनाया जोखिमयात ध्यानय् तयाः सामाजिक दूरी कायम यासें जूगु ज्याझ्वलय् सल्लाहकार प्रदीप जोशीं नं नुगःखँ तयादीगु खः ।

उगु साधारणसभां समूहया न्हूगु ज्यासना पुचः नं ल्यःगु खः । न्हूगु ज्यासना पुचलय् सुजनविलास वज्राचार्य नायः, पूर्णलक्ष्मी स्थापित न्वकु, शैलेन्द्रविलास वज्राचार्य छ्याञ्जे, निरजविलास वज्राचार्य लिउछ्याञ्जे व महेश महाजुयात दांभरिंलय् ल्यःगु दुसा दुजलय् छसिकथं राजेन्द्र शाक्य केशरत्न शिलाकार, लक्ष्मी श्रेष्ठ शाक्य, निपनरत्न वज्राचार्य, खड्ग जङ्ग थिङ (लामा दाई) व श्याम श्रेष्ठयात ल्यःगु दु। लिसें निवर्तमान नायः शिलाकारयात समूहया सल्लाहकारकथं ल्यःगु दु ।

सम्बन्धित बुखँ

LEAVE YOUR COMMENTS