भिक्षु अश्वघोषया लुमन्तिइ गुणानुस्मरण सभा याइगु
ख्वप – दिवंगत भिक्षु अश्वघोष महास्थविरया लुमन्तिइ गुणानुस्मरण सभा याइगु जूगु दु । नेपाःया खुम्हम्ह संघनायक पूज्यपाद भिक्षु अश्वघोषया लुमन्तिइ कन्हय् उगु ज्याझ्वः जुइत्यंगु खः । बौद्ध अध्ययन समाजया ग्वसालय् जुइगु उगु ज्याझ्वः झोरबहीइ जुइ । भिक्षु अश्वघोष चीनय् च्वना बिज्यानाच्वंगु इलय् म्हं मफया वसपोललिसे हे सतिक च्वनादीम्ह नारायणमान बिजुक्छेँ मूपाहांकथं झायादीगु ग्वसाः खलकं जानकारी बिउगु दु ।
थुकथं हे ख्वपया हे मुनि विहार दायक परिषदं ख्वपया थीथी बौद्ध संघसंस्थाया मंकाः सहकार्यय् दिवंगत भिक्षु अश्वघोष महास्थविरया गुणानुस्मरण सभात याना वनेगु निंतिं सहलह ब्याकूगु दु । धर्मोदय सभा, बौद्ध सम्पदा संघ, मैत्रैय युवा संघ, युवा बौद्ध समूह, मुनि विहार नापं थीथी बौद्ध संघसंस्थाया ग्वसालय् सार्वजनिक थासय् हे गुणानुस्मरण सभा याना वनेगु विहारया उपासक शिव बांलाः जानकारी बियादीगु दु ।
LEAVE YOUR COMMENTS