अक्सिजन भेन्टिलेटर मुयाः गुम्ह सित

एजेन्सी – दक्षिण टर्कीइ च्वंगु छगू कोरोना भाइरस ल्वगितय् उपचार याइगु अस्पतालय् अक्सिजन भेन्टिलेटर मुया वयाः गुम्हेसिया ज्यान वंगु दु । गाजियान्टेप धाःथासय् च्वंगु सान्को विश्वविद्यालय अस्पतालया आइसियु कक्षय् मि च्याःगु खँ स्थानीय गभर्नरया कार्यालयं जानकारी बिउगु दु ।

शनिवाः स्थानीय ई कथं सुथ न्हापनं जूगु थुगु घटनाय् मेपिं घाःपाः धाःसा जूगु मदु। सीपिं मध्ये ५६ दँ निसें ८५ दँया ल्वगित जूगु खँ धाःगु दु। छु कारणं विस्फोट जूगु धयागु बारे अनुसन्धान जुयाच्वंगु दु । टर्किइ थौंकन्हय् २० लाखं मल्याक मनूतय्त कोरोना संक्रमण जुइधुंकूगु दुसा अन कोरोनाया कारणं १७ हजार ६१० म्हेसिया ज्यान वनेधुंकूगु दु । विस्फोट जुइवं अन अस्पतालय् च्वंपिं विरामीतय्त लिक्कसं लाःगु अस्पतालय्यं कूगु खः । टर्किया राष्ट्रपति प्रवक्ता इब्राहिम कालीनं ट्विट यासें स्वास्थ्य लाभया कामना याःगु दु ।

सम्बन्धित बुखँ

LEAVE YOUR COMMENTS