गंगाया न आशा भो…. सार्वजनिक
येँ (नेपालभाषा टाइम्स) – म्येँ हालामि गंगादेवी महर्जनया खय् भाय्या म्येँया म्युजिक भिडियो सार्वजनिक जूगु दु। म्येँ हालामि महर्जनया ‘न आशा भो तिम्रो ……’ म्येँया म्युजिक भिडियो नकतिनिक जक सार्वजनिक याःगु खः ।
लोकंह्वाःम्ह संगीतकार राजु सिंह लसय् हनादीगु म्येँ बसन्त बित्यासी थापां च्वयादीगु खः । उगु म्येँया म्युजिक भिडियो लोककवि राजभाई जकःमिं प्रोजेक्टरया स्वीच अन यानाः सार्वजनिक यानादीगु खः । ल्याय्म्हम्ह निर्देशक अभिनव जोशीया निर्देशनय् निर्माण जूगु म्युजिक भिडियोय् राजीवजंग बस्नेत व सुष्मा कार्कीया मुख्य अभिनय दुथ्यानाच्वंगु दु ।
म्युजिक भिडियो सार्वजनिक ज्याझ्वलय् नेवाः एचडी टेलिभिजनया प्रमुख नवीन जोशी, क्यामरा पर्सन नापं भिडियो सम्पादक मनोजरत्न शाही, सोभित बस्नेत लगायतं म्युजिक भिडियोया थीथी पक्षयात कयाः नुगःखँ प्वंकादीगु खः । म्युजिक भिडियोया सम्पादन व छायाँकन निर्देशन शाहीं यानादीगु खःसा म्येँया संगीत संयोजन फणिन्द्र राईं यानादीगु खः ।
LEAVE YOUR COMMENTS