गंसि जुयाः बेहाल

सेलिब्रिटीत ल्ह्वन कि चर्चाय् वइ । अले इमिसं गंसि यायेत अनेकथंया उपाय नाली । अले गंसि जुल कि नं इमिगु चर्चा उकथं हे जुइ । मानौं कि सेलिब्रिटीत ल्ह्वनेगु व गंसि जुइगु हे चर्चाया निंतिं खः । थ्व हे झ्वलय् छगू इलय् ल्हवंगुलिं चर्चाय् वःम्ह बलिउड नायिका बेबो अर्थात करिना कपुर थ्व इलय् गंसि जूगु दु । गंसिं जूगुलिं हे चर्चाया ख्यलं तापाक लानाच्वंम्ह करिनाया चर्चा शुरु जूगु दु । अले सेलिब्रिटीतय्सं ल्ह्वन कि गंसि जुइत गज्याःगु तकया उपाय नाली धइगु करिना छम्ह उदाहरण जुया बिउगु दु ।
करिनाया लिपांगु रुपयात कयाः वयात सामाजिक संजालय् ‘अस्थिपंजर’या संज्ञा तकं बियाहःगु दु । धाथें धायेगु खःसा करिना थपाय्सकं गःसिं जूगु दु कि वयागु म्हय् आः ला व दाः मखु क्वँय् जक ल्यंदनि । वयागु म्ह छम्हं गंसि खने दुसा ख्वाः छपाः जक तपाः खने दयाच्वंगु दु । करिनाया थुकथंया शारीरिक बनोटया किपा फेसन डिजाइनर मनिष मल्होत्राया ¥याम्प वाक याये न्ह्यः पिहां वःगु खः । सिंगापुरय् जूगु ज्याझ्वलय् ब्वति कयाः मुम्बई लिहां वयेवं सामाजिक संजालय् करिनायात कयाः ट्रोल शुरु जूगु खः । वयात यक्वसिनं ल्ह्वंकेगु निंतिं थीथीकथंया नसाज्वलं नयेत नं सुझाव बिउगु दु ।

सम्बन्धित बुखँ

LEAVE YOUR COMMENTS