येँ मनपाया अनलाइन प्रणाली प्रभावकारी

येँ (नेपालभाषा टाइम्स) – येँ महानगरपालिकां राजस्व संकलनया निंतिं संचालन याःगु अनलाइन प्रणाली प्रभावकारी जूगु दु। येँ मनपां अनलाइन प्रणालीपाखें राजस्व निर्धारण व संकलन यायेगु शुरु याःगु लछि मदुनिवं न्यागू करोड न्यय्गू लाख असुल याःगु दु ।

येँ मनपां वंगु असोज १० गतेनिसें थुगु प्रणाली संचालनय् हःगु खःसा न्हापांगु चरणय् १० गू वडाय् अनलाइनपाखें राजस्व संकलन ज्या न्ह्याकूगु खः । वंगु असोज १३ गतेनिसें येँ मनपाया दक्वं वडाय् विस्तार जूगु अनलाइन प्रणालीपाखें राजस्व निर्धारण व संकलनया ज्याय् प्रभावकारी जुया वनाच्वंगु येँ मनपां न्ह्यथंगु दु ।

येँ मनपा राजस्व विभागया निर्देशक शिवराज अधिकारीं राजस्व संकलन यायेगु ज्याय् येँ मनपा पारदर्शी मजूगु धकाः गुगु द्वपं लानाच्वंगु खः, आः अनलाइन प्रणाली शुरु यायेधुंकाः उकियात लिसः बीत सफल जूगु दावी यानादिल ।

सांग्रीला इन्फर्मेटिक्सं विकास याःगु प्रणाली शुरुइ येँ मनपाया १, २, ३, ४, १०, ११, १५, १६, ३० व ३१ वडाय् संचालन याःगु खःसा अनं लिपा असोज ५ गतेनिसें वडा नं. ५, ६, ७, ९, १२ १४, १६, २८, २ ९ व ३२ असोज १३ गतेनिसें ल्यं दुगु दक्वं वडाय् थुगु प्रणाली संचालनय् हःगु खः ।

येँ मनपां संचालनय् हःगु थुगु प्रणाली पाखें महानगरयात बुझे यायेमाःगु करया प्रारम्भिक मूल्यांकन यानाः करदातां थःगु हे छेँय् च्वनाः याये फइगु सुविधा दु ।