अर्थमन्त्रीया धापूलिपा शेयर बजाः थहांवन

येँ –  कर्मचारी सञ्चयकोषया वार्षिक साधारण सभाय् अर्थमन्त्री डा. युवराज खतिवडां सकारात्मक अभिव्यक्ति बीवं मंगलवाः शेयर बजाः २६.९१ अंकं थहां वंगु खः । ज्याझ्वलय् वय्कलं नागरिक लगानी कोषयात निगूगु बजारय् छ्वयेगु व सञ्चयकोषयात प्राथमिक बजारय् यंकेगु तयारी जुयाच्वंगु खँ धयादीगु खः ।

ज्याझ्वलय् न्ववायेगु झ्वलय् वय्कलं शेयरया भाः तसकं कुहां वयेधुंकूगुलिं दंगु भावं ममीत नं लगानीकर्तातय्त इनाप यानादीगु खः ।
वंगु स्वला न्ह्यवनिसें शेयर बजाः लगातार कुहां वयाच्वंगु खः । लगानीकर्तातय्सं शेयर बजाः कुहां वयाच्वंगु कारण अर्थमन्त्री शेयर बजाःप्रति सकारात्मक मजूगु खँ धकाः द्वपं बिया वयाच्वंगु खः ।

म्हिगः संचयकोषया ज्याझ्वलय् धाःसा अर्थमन्त्रीं शेयरया भाः सुधार जुइमाःगु खँ धयादीगु खः । वय्कलं थ्व ई न्हूपिं लगानीकर्तातय् निंतिं शेयरय् लगानी यायेगु उपयुक्त ई जूगु बिचाः नं तयादीगु खः ।

मंगलवाः ३८ करोड ३९ लाख तका बराबरया शेयर कारोवार जूगु खः । म्हिगःया बजारय् नेप्से परिसूचक लिसें फुक्क धयाथें उपसुचक थहां वंगु खः । मंगलवाः प्यंगू कम्पनीया शेयर भाः यक्व थहां वंगुलिं शिवम सिमेन्ट, गुराँस लघुवित्त, राधी हाइड्रोपावर व अपि पावरया शेयरय् सर्किट ब्रेक तःगु खः ।

सम्बन्धित बुखँ

LEAVE YOUR COMMENTS