जग्गा खण्डीकरण निर्णयया भ्वं झिके याकेत आदेश

येँ (रासस) – सर्वोच्च अदालतं जग्गा खण्डीकरण यायेगु सरकारया निर्णयया सक्कल भ्वं झिके यायेत आदेश जारी याःगु दु। प्रधानन्यायाधिश चोलेन्द्र शम्शेर जबरा व न्यायाधिश अनिलकुमार सिन्हाया इजलासं जग्गा खण्डीकरण यायेगु भूमि व्यवस्था, सहकारी व गरिबी निवारण मन्त्रालयया निर्णयया सक्कल भ्वं झिके यायेत आदेश जारी याःगु खः ।

अदालतं वंगु भदौ २९ गते कृषि योग्य जमिनया कित्ताकाट फुकुवा यायेगु सरकारया निर्णय कार्यान्वयन मयायेत अल्पकालीन आदेश जारी याःगु खः । उगु हे मुद्दालिसे सम्बन्धित भ्वं झिके यायेत आदेश जारी याःगु खः। जग्गाया कित्ताकाट फुकुवा यायेगु सरकारया निर्णय कार्यान्वयन फुकुवा जुइगु व रोके जुइगु धइगु विषयय् थ्व हे असोज २० गते अदालतं निगुलिं पक्षयात सहलहया निंतिं सःतूगु दु ।

मन्त्रालयं जग्गासम्बन्धी याःगु वंगु भदौ १८, २०७४ साउन २६ व अदालतपाखें जूगु २०७४ फागुन २ गतेया अलातया निर्देशनात्मक आदेशतकं झिके यायेत धाःगु दु। अधिवक्ता सन्तोष भण्डारी लगायतं कृषियोग्य जमिनया कित्ताकाट व खण्डीकरण यायेगु सरकारया निर्णय रोके यायेत आदेशया माग यासें सर्वोच्च अदालतय् रिट निवेदन दायर यानादीगु खः ।