व्यावसायीक भवनय् सेवाग्राहीयाके पार्किङ शुल्क काये मदइगु

येँ (नेपालभाषा टाइम्स)- गुुगु छेँय् पार्किङ तयातःगु खः वहे छेँया गुगुं पसः वा ज्याकुथिइ वइम्ह सेवाग्राहीयाके पार्किङ शुल्क काये दइ मखु धइगु यँे महानगरपालिकाया निर्णययात उच्च अदालत यलं नं साथ बिउगु दु ।

बहुतले व्यवसायिक भवनय् सवारी साधन पार्किङ यायेबलय् सेवाग्राहीयाके शुल्क काये दइ मखु धकाः येँ मनपां याःगु निर्णय विरुद्ध कम्प्लेक्स डेभलपर लिज एशोसिएसनं उच्च अदालत यलय् रिट दायर याःगु खः । उगु रिटयात कयाःम्हिगः अदालतं ज्याकुथिइ वइम्ह सेवाग्राहीयाके शुल्क काये मदइगु मनपाया निर्णयया पक्षय् फैसला याःगु खः ।

मनपां आर्थिक ऐन २०८० अन्तर्गत व्यापारिक भवनय् पार्किङ याःगु बापत शुल्क काये मदइगु व्यवस्था याःगु खः । आर्थिक ऐन कथं थः सेवाग्राही बाहेक मेपिंके धाःसा पार्किङ शुल्क काये दइ ।

थ्वहे झ्वलय् येँ मनपां सतकय् निर्माण सामग्री तया तःगु धासें ९ वडा या ह्याउँताँय् च्वंम्ह रामकुमार थापायात नीन्याद्वः तका बं पुइकूगु खः ।