कन्हय् यलय् कर्फ्यु

यल – यल जिल्ला प्रशासन कार्यालयं कन्हय् यलय् सुथय् ४ बजे निसें बहनी १० बजे तक कर्फ्यु तःगु दु । थाैं बुंगः द्यः सालेगु झ्वलय् प्रहरीलिसे बांमलाक ल्वापु जुइवं कन्हय् कर्फ्यु आदेश जी याःगु खः । कर्फ्यु बल्खु तां निसें मनहरा तां तक चक्रपथ दुने यल महानगर क्षेत्रय् जुइ । बुंगःद्यःया जात्रा न्ह्याकेमा धकाः पिहांवःपिंसं म्हिगः घाराघुरु यानाः द्यः सालेवं झडप जूगु खः । कन्हय् नं थज्याःगु हे अवस्था वयेफुगु जूगुलिं कर्फ्यु तःगु खः ।