शनिवाः तक मौसम खराब

येँ- म्हिगःनिसें देय्न्यंकं मौसम स्यनाः ख्वाउँगु अप्वया वंगु दु । मौसम तथा जलवायु विज्ञान विभागं धाः कथं पश्चिमी वायुया प्रभावं यानाः मौसमय् थ्व परिवर्तन वःगु खः । थुकिया लिच्वः कंस शनिवाः तक लाइगु खनेदु । विभागया कथं शनिवाः तक देय्न्यंकं हे सामान्य बदली जुयाः वा वये फुगु व हिमाली लागाय् च्वापु समेत गाये फुगु सम्भावना दु ।

बुधवाः बहनीनिसें हे पश्चिम नेपालं दुहां वःगु पश्चिमी न्यूनचापीय प्रणालीया लिच्वः कथं सुदूरपश्चिम, कर्णाली, लुम्बिनी व गण्डकी प्रदेशय् सामान्यदेखि पूर्ण बदली जुइ ।