ख्वप नपाय् विशेष सफाई अभियान
ख्वप – ख्वप नगरपालिकां नियमित रुपं लय् निक्वः १ गते व १५ गते यानाच्वंगु सरसफाई ज्याझ्वःया झ्वलय् सनिवाः चुनदेवीनिसें बाराही स्थान तक सडक सफाई अभियान जुल । मेयर सुनिल प्रजापतिं उलेज्या यानादीगु उगु सफाई अभियानय् ख्वप बहुप्राविधिक अध्ययन संस्थानया नर्स कार्यकर्ता, ख्वप नगरपालिकाया सानिटेशन शाखाया कर्मचारी, सफाई मजदुर, स्थानीय क्लब, टीम, वाचनालय व सहकारीया पदाधिकारी नापं सर्वसाधारणया सहभागीता दुगु खः ।
थ्वहे झ्वलय् अरनिको राजमार्ग सफाई अभियान व हनुमन्ते सफाई अभियान नापं जानाः सनिवाः राधेराधेनिसें सल्लाघारी लागाय् तक सफाई ज्या जुल । उगु सफाई अभियानय् सांसद महेश बस्नेत, सूर्यविनायक नगरपालिकाया मेयर बासुदेव थापा, स्थानीय वडा अध्यक्षपिं नापं जन प्रतिनिधि, नागरिक समाजया न्ह्यलुवापिं, नेपाल प्रहरी, नेपाली सेनाया जवानत नाप सर्वसाधारण जनताया सहभागीता दुगु खः ।
लच्छि यंकं वंगु मंसीर १ गतेनिसें न्ह्यानाच्वंगु जडिबुटीनिसें सांगा तकया अरनिको राजमार्ग सफाई अभियान व शनिवाः पतिकं न्ह्याःगु हन्ुमन्ते सफाई अभियानया झ्वलय् थ्व सफाई अभियान विशेष कथं न्ह्याकूगु खः ।
LEAVE YOUR COMMENTS