स्वनिगलय् थप गुम्ह कोरोना संक्रमित

येँ (नेपालभाषा टाइम्स) – बिहिवाः नं स्वनिगलय् गुम्ह कोरोना संक्रमितत लूगु दु। बिहिवाः न्हिछिया दुने देन्यंकं यानाः थप १४७ म्हेसित कोरोना संक्रमण पुष्टि जूगु खःसा थुकी मध्ये गुम्ह स्वनिगःयापिं लाःगु खः । नेपालय् आः कोरोना संक्रमिततय् ल्याः १८ हजार २४१ म्ह थ्यंगु दु। म्हिगः स्वास्थ्य तथा जनसंख्या मन्त्रालयय् याःगु नियमित कोरोना अपडेटय् स्वनिगःया येँय् न्याम्हेसित व ख्वप व यलय् निम्ह निम्हेसित कोरोना संक्रमण खनेदुगु जानकारी बिउगु खः । अथेहे कोरोना संक्रमणं सीपिनि ल्याः नं ४३ म्ह थ्यंगु दु। म्हिगः वीरगंजय् छम्ह संक्रमित सीगु खः ।