प्रदेश ३य् लाइसेन्सया निंतिं अनलाइन सेवा शुरु जुइगु

येँ – प्रदेश ३ या यातायात व्यवस्था सेवा ज्याकुथिं प्रदेश अन्तर्गत १३ गू जिल्लाया सर्वसाधारणयात सवारी साधन चालक अनुमति पत्र कायेगु निंतिं वइगु असोजं लिपांगु वाःनिसें अनलाइन निवेदन खुल्ला यायेगु तयारी याःगु दु । अनलाइन लाइसेन्स बीगु निंतिं भौतिक पूर्वाधार दयेकेगु ज्या थौंकन्हय् हेटौंडाय् ज्या जुयाच्वंगु दु। अन ट्रायल सेन्टर दयेकेगु ज्या व ज्याकूयात माःगु प्रविधि जडान यायेगु ज्या जुयाच्वंगु दु। उगु ज्याकुथिं थःगु प्रदेश अन्तर्गत दुगु चितवनया २५०० गः मोटरसाइकलया साविक नारायणी अञ्चल च्वयातःगु दर्ता खारेज यानाः थौंकन्हय् प्रदेशया कोड नम्बर सहित न्हूगु नम्बर बीगु यानाच्वंगु दु।

ज्याकूया कथं थीथी जिल्लाया यातायात ज्याकुथी दर्ता जुयाच्वंगु सवारी अनुमतिपत्र कयातःपिं पुलांपिं १२०० म्हेसिया अनुमतिपत्र नं नवीकरण यायेगु ज्या क्वचायेधुंकूगु दु। स्मार्टकार्ड थौंकन्हय् येँय् जक छापे जुयाच्वंगु खःसा आः यातायात ऐन संशोधन जुइधुंकाः हेटौंडास्थित प्रदेश यातायात ज्याकुथिं हे वइगु छुं महिना दुन झिंस्वंगू जिल्लाय् स्मार्ट लाइसेन्स छापे यायेगु योजना कथं ज्या जुयाच्वंगु दु ।

सम्बन्धित बुखँ

LEAVE YOUR COMMENTS