कोरोना भाइस संक्रमितत छगूत्या करोड थ्यन
एजेन्सी – विश्वय् कोरोना संक्रमण जूपिनि ल्याः बुधवाः तकया दुने छगूत्या करोड थ्यंगु दु । विश्व स्वास्थ्य संगठनया कथं बुधवाः तकया दुने विश्वय् १ करोड ५० लाख ९९ हजार ८२४ म्हेसित कोरो ना संक्रमण जूगु दु । अथेहे कोरोना संक्रमणया कारणं विश्वन्यंकं ६ लाख १९ हजार ६१४ म्हेस्यिा ज्यान वंगु दु ।
संक्रमित जूपिं मध्ये आःतक ९१ लाख १६ हजार ६५छ म्ह विरामी कोरोना मुक्त जुइधुंकूगु दु । विश्वन्यंकं आः नं ५३ लाख ६३ हजार ५५५ म्ह कोरोना संक्रमिततय् उपचार जुयाच्वंगु खँ संगठनं धाःगु दु । थुपिं मध्ये ६३ हजार ६१४ म्हे सिया अवस्था गम्भीर दु ।
वंगु डिसेम्बरया अन्तय् चीनया हुबे प्रान्तया वुहान शहरय् दकलय् न्हापां कोरोना भाइरस खनेदुगु दु । थौंकन्हय् थ्व भाइरसं अमेरिकाय् जक ४०लाख २८ हजारम्हेसित संक्रमण जुइधुंकूगु दुसा थन १ लाख ४५ हजार म्हयेसिया ज्यान वने धुंकूगु दु । अथेहे दक्षिण अमेरिकाय् ३३ लाख ७५ हजार म्हेसित संक्रमण खनेदुगु दुसा थन १ लाख २१ हजार म्हेसिया ज्यान वनेधुंकूगु दु । अथेहे उत्तर अमेरिकाय् ४७ लाख २२ हजार म्हेसित संक्रमण खनेदुगु दु । थन १ लाख ९९ हजार ७८३ म्हेसिया ज्यान वनेधुंकूगु दु ।
युरोपय् कोरोना संक्रमिततय् ल्याः २७ लाख २ हजार थ्यनेधुंकूगु दुसा २ लाख म्हेसिया ज्यान वनेधुंकूगु दु । अथे हे एसियाय् ३५ लाख ३१ हजारयाके संक्रमण खनेदुगु दुसा ८२ हजार ७२३ म्हे सिया ज्यान वनेधुंकूगु दु । अफ्रिकाय् ७ लाख ५३ हजार ९१४ म्हेसिके संक्रमण खनेदुगु दुसा थन १५ हजार ७७९ म्हेसिया ज्यान वनेधुंकूगु दु । अथेहे आसियानाय् १४ हजार ५७८ म्हेसिके संक्रमण खनेदुगु दुसा थन १५० म्हेसिया ज्यान वंगु दु ।
नेपालय् १८ हजारं थहां वन नेपालय् नं कोरोना भाइसर संक्रमण जूपिनि ल्याः १८ हजारं थहां वंगु दु । बिहिवाः सछिम्हेसिके कोरोना संक्रमण पुष्टि जुइवं नेपालय् संक्रमण जूपिनि ल्याः १८ हजार ९४ म्ह थ्यंगु खः ।
LEAVE YOUR COMMENTS