छम्ह विद्यार्थीया निंतिं स्कुल

थौंया युगय् शिक्षा गुलितक आवश्यक जू थ्व धयाच्वनेमाःगु खँ मखु । उकिसनं मस्तय् निंतिं शिक्षा तसकं हे आवश्यक जक मखु, मौलिक हकया विषय नं खः । तर, नेपाःया सन्दर्भय् सरकारया शिक्षा नीति उलि प्रष्ट मजूगु जक मखु, गलत जूगु नं सरोकारवालातय्सं धायेगु याः।
स्कुलय् छम्ह निम्ह यायां सलंसः वा द्वलंद्वः विद्यार्थीं अध्ययन याइ, थ्व पक्का खः ।

अले शिक्षाया निंतिं निजी ख्यलं व सरकारं नं उतिकं लगानी यानाच्वंगु दइ । थ्व हे झ्वलय् शिक्षाया निंतिं सरकार गुलि तक सशक्त व कडा जुइमाः धइगु छगू लिपांगु उदाहरण जुयाबिउगु दु, अमेरिका । थन छम्हयां छम्ह जक विद्यार्थीया निंतिं स्कुल चायेकूगु दु, करोडौं खर्च यानाः व नं सरकारं हे ।

अमेरिकाया ब्योमिंगस्थित लारामी सहरय् छम्ह जक विद्यार्थीयात आखः ब्वंकेत छगूत्या करोड खर्च यानाः स्कुल चायेकूगु खः। थ्व सहरय् थुकथं छम्ह जक विद्यार्थीयात ब्वंकेत धकाः थुकथं स्कुल चायेकूगु थ्व न्हापांखुसी धाःसा पक्का नं मखु । थ्व स्वयां न्ह्यः सन् २००४ य् नं थन छम्ह जक मचायात आखः ब्वंकेत स्कुल चायेकूगु खः ।

लारामी सहरय् थुकथं छम्ह जक विद्यार्थीया निंतिं स्कुल चायेकूगुया मुख्य कारण उगु थाय् पहाडी लागा जूगुलिं खः । सहरया सरकारी कानून कथं सहरी क्षेत्र स्वयां तापाक च्वंपिं मस्त तसकं तापाःगु स्कुलय् भर्ना याये दइमखु । उकिं उकथं छम्ह जक मचाया निंतिं सरकारं स्कुल चायेकीगु खःसा अज्याःगु स्कुलय् ‘भिडियो कन्फ्रेन्स’या माध्यमं आखः ब्वंकेगु याइगु खः ।

सम्बन्धित बुखँ

LEAVE YOUR COMMENTS