प्रहरीयात हातपात याःपिं चिनियाँतय्त झिन्हु हिरासतय् तयेत अनुमति

येँ – नेपाःया प्रशासनिक केन्द्र सिंहदरवार न्ह्यःने प्रहरीयात हातपात याःपिं प्यम्ह चिनियाँतय्त हिरासतय् तयेत येँ जिल्ला प्रशासनं अनुमति बिउगु दु ।

प्रशासनयापाखें अभद्र व्यवहार सम्बन्धी कसूर अनुसन्धानया निंतिं प्यम्ह चिनियँतय्त हिरासतय् तयेत अनुमति बिउगु खः । सिंहदरवार न्ह्यःने चिनियाँ नागरिकतय्सं थःगु देश लिहांवने दयेमाः धकाः याःगु प्रदर्शनया झ्वलय् झडप जूगु खः ।

झडपया इलय् प्रहरीं पीन्हय्म्ह चिनियाँतय्त च्वनायंकूगु खः । उकी मध्ये पीस्वम्हेसित त्वःतुगु खःसा प्यम्ह विरुद्ध अभद्र व्यवहारया कसूरय् अनुसन्धान न्ह्याकूगु खः ।