खुलामञ्चय् नागरिक भेला

येँ (नेपालभाषा टाइम्स)-तिंख्यःया खुलामञ्चय् नागरिक अधिकारकर्मीतय्सं म्हिगः प्रदर्शन यात । मुक्त टुँडिखेल अभियान (अकुपाई टुँडिखेलं) नागरिक अधिकारया नितिं अन नागरिक भेला याःगु खः । खुला मञ्च सर्वसाधारण जनताया पहुँचय् दयेमाः धइगु माग यासें अन भेला याःग खः ।

ताः ई तक येँ महानगरपालिकां खुला मञ्चय् तालं ग्वयातःगु खः । फुटबल ग्राउन्ड दयेकेगु तयारी कथं डोजर हयाः मैदान सफा यानाच्वंगु इलय् अभियन्तातय्सं सः थ्वयेकूगु खः । चकं दबुली येँ मनपाया फुटबल ग्राउन्ड दयेकेगु योजनाया विरोध जुयाच्वंगु दुसा मनपां अन फुटबल ग्राउन्ड दयेकेत्यनागु मखु धयाच्वंगु दु ।