
येँ(नेपालभाषा टाइम्स)- थेरवाद बुद्ध शासनिक ख्यःया अतिकं नांजाःम्ह श्रद्धेय धम्मावती गुरुमांयात विशेष सम्मान याःगु दु । लुम्बिनी विकास कोषं शासनधज धम्मचरीय अग्गमहागन्थवाचक श्रद्धेय अनागारिका धम्मावती गुरुमांयात विशेष सम्मान याःगु खः ।
कोषं बु.सं. २५६७ क्वःगु स्वांयाःपुन्हि व लुम्बिनी दिवसया लसताय् वसपोल गुरुमांयात हनापौ देछासे विशेष सम्मान याःगु खः । वसपोल धम्मावती गुरुमां च्वनाबिज्याःगु थनया धर्मकीर्ति विहारय् कोषया पुलांम्ह उपाध्यक्ष भिक्षु निग्रोध महास्थविरं हनापौ देछानाबिज्यासें हनेज्या यानाबिज्याःगु
बुद्ध शासनयात चीर स्थायी यायेगु नापं बुद्ध शिक्षा व बुद्धया उपदेशयात विश्वय् न्यंकेगु ज्याय् वसपोल गुरुमां नं बियाबिज्याःगु ज्वःमदुगु योगदानयात कयाः कोषं उकथं हनेज्या याःगु खः । खतुं वसपोलयात वंगु स्वांयाःपुन्हिकुन्हु हे लुम्बिनीइ जूगु विशेष ज्याझ्वलय् हनेगु ज्याझ्वः तयातःगु खः ।
लुमंकेबहजू, वंगु बैशाखय् जक वसपोल गुरुमांयात थनया राष्ट्रिय सभागृहय् जूगु विशेष ज्याझ्वः दथुइ धम्मपुजा पौ लःल्हासे सार्वजनिक रुपं हनेज्या याःगु खः ।
LEAVE YOUR COMMENTS