भारतय् मे ३ तक लकडाउन थप

येँ – भारतय् मे २ तारिक तकया निंतिं लकडाउन थप याःगु दु । भारतीय प्रधानमन्त्री नरेन्द्र मोदीं मंगलवाः सुथय् राष्ट्रया नामय् सम्बोधन यासें लकडायन थप यायेगु घोषणा यानादीगु खः । भारतय् मार्च २४ तारिक निसें लागु जूगु लकडाउनया ई बुधवाः क्वचायेत्यंगु खः ।

सम्बोधनया झ्वलय् प्रधानमन्दी मोदीं फुक्कसिया सल्लाह व सुझाव कथं लकडाउन थप यानागु धयादिसें आः न्हापा स्वयां नं सतर्क जुइमाःगु धयादिल ।

वयक्लं अप्रिल २० निसें लकडाउनय् ससर्तत छुट बीगु नं धयादिल । ‘गुगु क्षेत्रय् लकडायनया पूर्ण पालना जुइ अन अप्रिल २० तारिक निसें अत्यावश्यक गतिविधिया निंतिं छुट बीगु जुइ’, प्रधानमन्त्री मोदीं धयादिल ।

नापं वय्कलं लकडाउनया पूर्ण पालना यासें सामाजिक दूरीया लक्ष्मण रेखायात ध्यानय् तयाः अनिवार्य रुपं मास्क छ्यलेत फुक्कसित इनाप यानादिल ।

सम्बन्धित बुखँ

LEAVE YOUR COMMENTS