कोरोनाया खोप दछि लिपा जक

अमेरिकी उपराष्ट्रपति माइक पेन्सं कोरोना भाइरसया वासः वइगु अगस्ट वा सेप्टेम्बर महिनापाखे जक उपलब्ध जुइगु खँ धयादीगु दु । ‘थुकिया खोप थ्व दँया अन्त तक वा मेगु दँय् जक तयार जुइ, तर कोरोना भाइरस जूपिं मनूतय्त राहत बीगु चिकित्सकीय सेवा धाःसा वइगु अगस्ट वा सेप्टेम्बरं उपलब्ध जुइ’ वय्कलं धयादिल ।

अमेरिकी वासः कम्पनीतय्सं न्हूगु कोरोना भाइरसया उपचाया निंतिं वासः व खोप किास यायेत थःथवय् दथुइ सुचंया कालबिल यानाः मंकाः कुतः यानाच्वंगु दु । उपराष्ट्रपति पेन्सं न्हूगु कोरोना भाइरसया खोपया क्लिनिकल परीक्षण खुवाः लिपा सुरु जुइगु खँ नं धयादीगु दु ।
कोरोना भाइरस संक्रमित प्यम्ह अमेरिकी नागरिक सोमवाः सीवं अमेरिकाय् सीपिनि ल्याः खुम्ह थ्यंगु दु ।

अमेरिकाय् भाइरसं संक्रमित जूपिं मनूतय् ल्याः नं सछिम्ह अप्वः थ्यनेधुंकूगु दु । अमेरिकाया फ्लोरिडा व वाशिंगटन राज्यय् सार्वजनिक स्वास्थ्यया आपकालिन स्थिति घोषणा यायेधुंकूगु दु । विश्वन्यंकं थ्व भाइरसं सीपिनि ल्याः ३१ सयं मल्याये धुंकूगु दु ।

थुपिं मध्ये अप्वः धयाथें चीनयापिं खः । थ्वहे दथुइ मेमेगु देशय् न्हूगु संक्रमण चीनय् स्वयां झिगू गुणां अप्वः खनेदयाच्वंगु खँ संयुक्त राष्ट्र संघया विश्व स्वास्थ्य संगठनं धाःगु दु । विश्वन्यंकं थ्व भाइरस सक्रमण जूपिनि ल्याः ९० हजारं मल्याक थ्यनेधुंकूगु दु ।