जापानय् सत्तारुढ दलयात एकल बहुमत

एजेन्सी- जापानय् आइतवाः जूगु आमनिवार्चनय् प्रधानमन्त्री फुमियो किशिदाया सत्तारुढ दल लिबरल डेमोक्रेटिक पार्टीं (एलडीपी) एकल बहुमत वःगु दु । सत्तारुढ पार्टी एलडीपिं क्वय्यागु सदनय् ४६५ सिट मध्ये २६१ सिट त्याकूगु खः । सरकार गठनया निंतिं माःगु २३३ सिटसिबें अप्वः सिट त्याकूगु एलडीपिं आः मेगु दलया समर्थन मदुसां सरकार गठन यायेफइ । एलडीपिं दशकौं निसें जापानय् सरकार न्ह्याकाच्वंगु खःसा कोरोना महामारी नियन्त्रणयात कयाः धाःसा आलोचित जुयाच्वंगु खः ।

एलडीपिया अध्यक्ष किशिदा लछि न्ह्यः तिनि प्रधानमन्त्री जूगु खः । पूर्व प्रधानमन्त्री योशिहिदे सुगां राजीनामा बीधुंकाः फुमियो किशिदा जापानया प्रधानमन्त्री जूगु खः । प्रधानमन्त्री फुमियो किशिदा सन् २०१२ निसें सन् २०१७ तक जापानया विदेशमन्त्री नं जुइधुंकल ।

सम्बन्धित बुखँ

LEAVE YOUR COMMENTS